អាមេរិកតេស្ដសាកល្បងគ្រាប់បែកនុយក្លេអ៊ែរថ្មីចេញពីយន្តហោះទម្លាក់គ្រាប់បែក B-2

2018-07-02 06:59:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងថាមពល និងកងទ័ពអាកាសអាមេរិកបានតេស្ដសាកល្បងគ្រាប់បែកនុយក្លេអ៊ែរដែលទើបធ្វើទំនើបកម្ម ប្រភេទ B61-12 ទម្លាក់ចេញពីយន្តហោះទម្លាក់គ្រាប់បែកដែលមានល្បឿនលឿនជាសំឡេង B-2 នៅរដ្ឋ Nevada កាលពីថ្ងៃទី៩ ខែមិថុនា ២០១៨ កន្លងទៅ។ នេះបើតាមសេចក្តីប្រកាសព័ត៌មានរបស់ក្រសួងថាមពលអាមេរិក កាលពីសប្ដាហ៍មុន។

យន្តហោះទម្លាក់គ្រាប់បែក B-2 (រូបភាព៖ Sandia Labs)

ការធ្វើតេស្ដគ្រាប់បែកនុយក្លេអ៊ែរនេះ គឺជាផ្នែកមួយនៃកិច្ចខិតខំ ដើម្បីវាយតម្លៃលើសមត្ថភាពរបស់យន្តហោះទម្លាក់គ្រាប់បែកក្នុងការប្រើប្រាស់សព្វាវុធ និងសព្វាវុធមិនមានមុខងារនុយក្លេអ៊ែរ។

ក្រសួងការពារជាតិអាមេរិក បច្ចុប្បន្ននេះ កំពុងផ្ដោតលើកម្មវិធីអភិវឌ្ឍគ្រាប់បែកនុយក្លេអ៊ែរ ប្រភេទ B61-12 ដែលមានទំហំទឹកប្រាក់ ៧,៦ពាន់លានដុល្លារ ដើម្បីជំនួសគ្រាប់បែកនុយក្លេអ៊ែរបច្ចុប្បន្ន និងសព្វាវុធមិនមែននុយក្លេអ៊ែរ។ គ្រាប់បែកនុយក្លេអ៊ែរប្រភេទ B61-12 គ្រោងនឹងអភិវឌ្ឍដោយជោគជ័យទាំងស្រុងនៅឆ្នាំ២០២០ ខាងមុខ។

ជាមួយគ្នានេះ ក្រសួងការពារជាតិអាមេរិកគ្រោងនឹងយកគ្រាប់បែកនុយក្លេអ៊ែរប្រទេសនេះ ទៅប្រើជាមួយយន្តហោះចម្បាំងប្រភេទ F-15E និង F-35 ផងដែរ៕

ប្រភព៖ RT ប្រែសម្រួល៖ វាសនា