Jose Mourinho៖ រុស្ស៊ីបានបង្ហាញស្មារតីប្រកួតដ៏អស្ចារ្យ ជាមួយអេស្ប៉ាញ

2018-07-02 08:05:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Jose Mourinho អ្នកចាត់ការទូទៅក្លឹបបិសាចក្រហម Manchester United បានប្រាប់សារព័ត៌មាន RT ថា "ក្រុមរុស្ស៊ីបានធ្វើឲ្យភ្ញាក់ផ្អើលមនុស្សជាច្រើន ពួកគេមិនគួរឆ្លងផុតវគ្គចែកពូលនោះទេ ប៉ុន្តែពួកគេបានឆ្លងផុត និងបានបង្កើតស្មារតីដ៏អស្ចារ្យ"។ ការលើកសរសើរបស់លោក Mourinho គឺក្រោយរុស្ស៊ីបានទម្លាក់អេស្ប៉ាញនៅត្រឹមវគ្គ ១៦ក្រុមចុងក្រោយ កាលពីយប់មិញនេះ។

លោក Jose Mourinho អ្នកចាត់ការទូទៅក្លឹបបិសាចក្រហម Manchester United (រូបភាព៖ Reuters)

អ្នកចាត់ការរូបនេះបានបន្ថែមទៀតថា "ខ្ញុំគិតថា គ្រូបង្វឹកជ្រើសរើសតាក់ទិកត្រូវ ដោយបានការពារបានយ៉ាងរឹងមាំ តាមរយៈការផ្ដល់ឲ្យអេស្ប៉ាញត្រូវបានស្ថិតនៅក្នុងការគ្រប់គ្រងដោយការការពារ"។ លោកថា ស្មារតីប្រកួត គឺពិតជាគួរឲ្យភ្ញាក់ផ្អើលនៅក្នុងចំណោមកីឡាកររុស្ស៊ី។

ជាមួយគ្នានេះ លោក Mourinho បានលើកសរសើរលោក Stanislav Cherchesov គ្រូបង្វឹករុស្ស៊ីថា គាត់មានតាក់ទិកគ្រប់គ្រងការប្រកួតចេញពីមូលដ្ឋាននៃការការពារ។ សម្រាប់កីឡាករវិញ លោក Mourinho ថា ពួកគេមានស្មារតីរឹងមាំក្នុងការស៊ុតបាល់ប៉េណាំងទី ដោយយកចិត្តទុកដាក់៕

ប្រភព៖ RT ប្រែសម្រួល៖ វាសនា