ថៃ ផ្តល់ដែក ៦០គីឡូម៉ែត្រឱ្យកម្ពុជា សម្រាប់ជួសជុលផ្លូវរថភ្លើង

2018-07-06 08:43:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ុន ចាន់ថុល ទេសរដ្ឋមន្រ្តី រដ្ឋមន្ត្រីក្រសួងសាធារណការ និងដឹកជញ្ជូន បញ្ជាក់ថា ប្រទេសថៃ នឹងផ្ដល់ដែកប្រវែងជាង ៦០គីឡូម៉ែត្រ មកឱ្យកម្ពុជា ដើម្បីយកមកផ្លាស់ប្ដូរ ផ្លូវដែកណាចាស់ៗ និងជួសជុលឡើងវិញ បង្កើនភាពរឹងមាំបន្ថែមទៀត។ លោកថ្លែងទៅកាន់អ្នកសារព័ត៌មានដូច្នេះ ក្រោយជំនួបជាមួយរដ្ឋមន្រ្តីក្រសួងដឹកញ្ជូនថៃ លោក Arkhom Termpittayapaisith នាព្រឹកថ្ងៃទី៦ ខែកក្កដា ឆ្នាំ២០១៨ នៅទីស្តីការក្រសួងសាធារណការ។

លោក ស៊ុន ចាន់ថុល ក្នុងកិច្ចប្រជុំជាមួយរដ្ឋមន្រ្តីដឹកជញ្ជូនថៃ កាលពីព្រឹកថ្ងៃទី៦ កក្កដា ២០១៨ នៅទីស្តីការក្រសួងសាធារណការ

លោកបាននិយាយយ៉ាងដូច្នេះថា៖ «**ចំពោះដែកដែលគាត់ (ថៃ) មាន យើងបានទៅពិនិត្យឃើញ ដែកគាត់ប្រហែល ៦០គីឡូម៉ែត្រ ដែលយើងចង់ស្នើសុំឲ្យគាត់ផ្ដល់ឲ្យយើង។ គាត់នឹងឯកភាពផ្ដល់ឲ្យយើង ប៉ុន្ដែឲ្យយើងធ្វើតាមនីតិវិធី តាមស្ថានទូត**»។

លោក ស៊ុន ចាន់ថុល បន្ដថា នាយករដ្ឋមន្ដ្រីកម្ពុជា-ថៃ នឹងធ្វើដំណើរតាមរថភ្លើងជាមួយគ្នានៅពេលខាងមុខ ហើយនាយករដ្ឋមន្រ្តីថៃ នឹងប្រគល់ក្បាលរថភ្លើង១គ្រឿង និងទូររថភ្លើងចំនួន ៤ ឱ្យកម្ពុជាផងដែរ ព្រមទាំងអាចនឹងដឹកជញ្ជូនដែកនោះ មកជាមួយទៀតផងប្រសិនបើទាន់ពេល៕

អត្ថបទទាក់ទង៖ កម្ពុជា-ថៃ ឯកភាពលើចំណុចសេសសល់ នៃកិច្ចព្រមព្រៀងតភ្ជាប់ផ្លូវដែកហើយ

អត្ថបទ៖ សំភី