ទស្សនាការសម្ដែងសៀក របស់សិស្សសាលាសៀកខ្មែរ ដោយឥតគិតថ្លៃ!

2018-07-09 04:23:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សាលាសៀក នៃសាលាមធ្យមវិចិត្រសិល្បៈ នឹងរៀបចំកម្មវិធីសម្ដែងសៀក នៅថ្ងៃទី១៤ ខែកក្កដា ឆ្នាំ២០១៨ ចាប់ពីម៉ោង ៩ព្រឹកតទៅ នៅ មជ្ឈមណ្ឌលសិល្បៈសៀក និងទស្សនីយភាព ដែលមានទីតាំងនៅទល់មុខវិមានរដ្ឋសភាជាតិ ជាប់របងបណ្ណាគារសន្តិភាព រាជធានីភ្នំពេញ។

នៅក្នុងសេចក្ដីប្រកាសរបស់សាលាសៀក នៃសាលាមធ្យមវិចិត្រសិល្បៈ បានបញ្ជាក់ថា ការសម្ដែងនេះ នឹងបើកឲ្យប្រិយមិត្ត ចូលទស្សនាដោយសេរី ពោលគឺមិនមានការលក់សំបុត្រនោះទេ។

សូមបញ្ជាក់ថា ការសម្ដែងសៀកនេះ គឺជាការសម្ដែងរបស់សិស្សសាលាសៀក នៃសាលាមធ្យមវិចិត្រសិល្បៈ ដើម្បីបញ្ចប់ឆមាសលើកទី២ របស់ពួកគេ ប្រចាំឆ្នាំសិក្សា ២០១៧-២០១៨។

ប្រសិនបើប្រិយមិត្តមានចម្ងល់ ឬចង់ដឹងព័ត៌មានបន្ថែមពីការសម្ដែងនេះ សូមទាក់ទងតាមលេខទូរសព្ទ ០៨៦ ៩០៥ ៧៥៧, ០៩៣ ៥៥៤ ៩៩៩ និង ០១៥ ៤៦៩ ៩៤១៕

អត្ថបទ៖ សុខ សុវត្ថិ