ចិន បាញ់បង្ហោះផ្កាយរណប២គ្រឿង សម្រាប់ប៉ាគីស្ថាន

2018-07-09 08:10:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចិន បានបាញ់បង្ហោះផ្កាយរណប២គ្រឿង សម្រាប់ប្រទេសប៉ាគីស្ថាន នាព្រឹកថ្ងៃទី៩ ខែកក្កដា ឆ្នាំ២០១៨ ចេញពីមជ្ឈមណ្ឌល Jiuquan ភាគពាយ័ព្យប្រទេសចិន។ ផ្កាយរណបទាំង២នេះ ត្រូវបានបង្ហោះទៅកាន់គន្លងផែនដី តាមរយៈគ្រាប់រ៉ុកកែត Long March-2C។

គ្រាប់រ៉ុកកែត Long March-2C ដែលនាំយកផ្កាយរណបទាំង២គ្រឿង ទៅកាន់គន្លងផែនដី កាលពីព្រឹកថ្ងៃទី៩កក្កដា ២០១៨។ រូបថត៖ CCTV

ក្នុងចំណោមផ្កាយរណបទាំង២គ្រឿងនេះ មាន១គ្រឿងដែលចិន បានលក់ឱ្យប៉ាគីស្ថាន មានឈ្មោះ PRSS-1 ចំណែក១គ្រឿងទៀត គឺផលិតឡើងដោយប៉ាគីស្ថានផ្ទាល់តែម្តង មានឈ្មោះ PakTES-1A។

ផ្កាយរណប PRSS-1 នឹងត្រូវបានប្រើប្រាស់សម្រាប់ការអង្កេតមើលដី និងធនធានធម្មជាតិ ត្រួតពិនិត្យគ្រោះមហន្តរាយធម្មជាតិ ការស្រាវជ្រាវកសិកម្ម សំណង់ក្នុងទីក្រុង និងផ្តល់នូវព័ត៌មានសម្រាប់តំបន់នៃគម្រោង Belt and Road។ ចំណែក PakTES-1A គឺប្រើសម្រាប់ពិសោធបែបវិទ្យាសាស្រ្ត៕

ប្រភព៖ china.org ប្រែសម្រួល៖ សំភី