មន្ត្រីអភិរក្សសត្វព្រៃអូស្ត្រាលី ចាប់បានក្រពើធំ១ក្បាល ក្រោយស្វែងរកជិត ១ទសវត្សរ៍

2018-07-10 10:16:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ត្រីអភិរក្សសត្វព្រៃ នៅភាគខាងជើងប្រទេសអូស្ត្រាលី បានរកឃើញនិងចាប់បានក្រពើដ៏ធំ១ក្បាល ដែលមានទម្ងន់ ៦០០គីឡូក្រាម បន្ទាប់ពីប្រទះឃើញលើកដំបូងកាលពី ៨ឆ្នាំមុន។

ក្រពើ ដែលមានទម្ងន់ ៦០០គីឡូក្រាម កំពុងជាប់ចំណង (រូបថត៖ Northern Territory Parks and Wildlife)

ក្រពើ ដែលមានអាយុជាង៦០ឆ្នាំនេះ ត្រូវបានចាប់នៅទន្លេ Katherine ។ វាមានប្រវែងជិត ៥ម៉ែត្រ ដែលមិនធ្លាប់មានកន្លងមក ក្នុងតំបន់ខាងលើ។ ក្រពើដែលមានប្រវែងវែងបំផុត ត្រូវចាប់បានកាលពីឆ្នាំ២០១១ ដោយមានប្រវែងត្រឹមតែ ៤,៦ម៉ែត្រតែប៉ុណ្ណោះ។

លោកស្រី Tracey Duldig នាយកស្ដីទីផ្នែកសត្វព្រៃនៅតំបន់ភាគខាងជើង បានឲ្យដឹងថា ការចាប់ក្រពើទឹកប្រៃនេះ គឺដើម្បីជៀសវាងគ្រោះថ្នាក់ដល់ប្រជាជន។ មន្ត្រីអភិរក្សសត្វព្រៃ បានបញ្ជូនក្រពើដដែលទៅកាន់កសិដ្ឋានក្រពើមួយកន្លែង នៅតំបន់ Katherine ។

សូមបញ្ជាក់ថា មន្ត្រីអូស្ត្រាលីនៅតំបន់ភាគខាងជើង បានចាប់ក្រពើទឹកប្រៃចំនួន ១៨៧ក្បាលរួចមកហើយ ក្នុងឆ្នាំ២០១៨នេះ៕

ប្រភព៖ CNN ប្រែសម្រួល៖ លាភ.