គីម ជុងអ៊ុន ទៅពិនិត្យរោងចក្រ និងសំណង់ជិតព្រំដែនចិន

2018-07-11 02:24:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក គីម ជុងអ៊ុន មេដឹកនាំកំពូលកូរ៉េខាងជើង បានទៅពិនិត្យរោងចក្រ និងការដ្ឋានសំណង់ជាច្រើននៅទីក្រុង Samjiyon ដែលជាតំបន់ភ្នំ ជាប់ខេត្ត Jilin របស់ប្រទេសចិន។ នេះបើតាមការចេញផ្សាយរបស់ទីភ្នាក់ងារសារព័ត៌មានកូរ៉េខាងជើង KCNA កាលពីថ្ងៃទី១០ ខែកក្កដា ២០១៨ ម្សិលមិញ។

លោក គីម ជុងអ៊ុន ចុះពិនិត្យរោងចក្រមួយកន្លែង នៅក្រុង Samjiyon (រូបភាព៖ KCNA)

លោក គីម បានប្រកាសថា នឹងកសាងទីក្រុង Samjiyon ឲ្យទៅជាក្រុងគំរូរបស់ប្រទេសកូរ៉េខាងជើង។ លោកបញ្ជាក់ថា ទីក្រុងគំរូដែលមានអរិយធម៌ទំនើបមួយនៅលើភ្នំ គួរតែត្រូវបានអភិវឌ្ឍជាផ្នែកមួយនៃការសាងសង់នៅក្នុងជនបទ Samjiyon ដែលមានការបែងចែកលើផ្នែកអប់រំ គេហដ្ឋាន វិថីទំនើប ឧស្សាហកម្ម កីឡា អប់រំវប្បធម៌ សេវាកម្មពាណិជ្ជកម្ម និងទេសចរណ៍។

លោក គីម បានប្រកាសថា កូរ៉េខាងជើងនឹងប្រែក្លាយពីប្រទេសដែលអភិវឌ្ឍនុយក្លេអ៊ែរ ទៅផ្ដោតអាទិភាពលើការកសាងសេដ្ឋកិច្ចបែបសង្គមនិយម។ លោក គីម បានថ្លែងដូច្នេះ ទៅកាន់សមាជិកបក្សកាលពីខែមេសា កន្លងទៅ៕

ប្រភព៖ CGTN ប្រែសម្រួល៖ វាសនា