កម្ពុជា នឹងមានប្រជាជនកើនឡើងដល់ ១៧លាននាក់នៅឆ្នាំ២០២៣
- 2018-07-11 03:58:35
- ចំនួនមតិ 0 | ចំនួនចែករំលែក 0
កម្ពុជា នឹងមានប្រជាជនកើនឡើងដល់ ១៧លាននាក់នៅឆ្នាំ២០២៣
ចន្លោះមិនឃើញ
នៅក្នុងឆ្នាំ២០១៨នេះ កម្ពុជាមានប្រជាជនចំនួនប្រមាណជាង ១៦លាននាក់ ហើយនឹងកើនដល់ជាង ១៧លាននាក់នៅឆ្នាំ២០២៣ និងជាង ១៨លាននាក់នៅឆ្នាំ២០៣០។ នេះបើតាមសារលិខិតរបស់សម្តេចនាយករដ្ឋមន្រ្តី ហ៊ុន សែន ក្នុងទិវាប្រជាជនពិភពលោកលើកទី២៩ នាថ្ងៃទី១១ ខែកក្កដា ឆ្នាំ២០១៨នេះ។
ក្នុងសារលិខិតនេះ បានបញ្ជាក់ថា អត្រាកំណើនប្រជាជនប្រចាំឆ្នាំនៅកម្ពុជា ថ្វីត្បិតតែបានថយចុះពី ១,៥៧% នៅឆ្នាំ២០០៩ មក ១,៤% នៅឆ្នាំ២០១៨ ប៉ុន្តែនៅតែខ្ពស់ជាងអត្រាកំណើនប្រជាជនពិភពលោក ដែលមានត្រឹមតែ ១,០៩% ទ្វីបអាស៊ី ០,៩% តំបន់អាស៊ីបូព៌ា ០,៣៥% សហរដ្ឋអាមេរិក ០,៧១% និងទ្វីបអឺរ៉ុប ០,០៨%។ នៅឆ្នាំ២០១៨នេះ ប្រជាជននៅលើពិភពលោកមានចំនួន ៧៦៣២លាននាក់ ហើយនឹងកើនដល់ ៨ពាន់លាននាក់នៅឆ្នាំ២០២៣។