ក្រូអាត មានប្រវត្តិបែបណា ក្នុងប្រវត្តិសាស្រ្ដ World Cup?

2018-07-12 08:10:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រូអាត ឬ ក្រូអាស៊ី (ជាភាសាអង់គ្លេស៖ Croatia) បានបង្កភាពភ្ញាក់ផ្អើលក្នុងពិភពបាល់ទាត់ ក្រោយឡើងដល់វគ្គផ្ដាច់ព្រ័ត្រ FIFA World Cup 2018 នៅប្រទេសរុស្ស៊ី។ តើក្រុមនេះ ធ្លាប់មានប្រវត្តិបែបណា ក្នុងប្រវត្តិសាស្រ្ដ World Cup?

មុនចូលដល់ក្រុមបាល់ទាត់ជម្រើសជាតិក្រូអាត [ខ្លីៗ] សូមបង្ហាញត្រួសៗពីប្រទេសនេះបន្តិចសិន។ ក្រូអាត មានឈ្មោះផ្លូវការថា សាធារណរដ្ឋក្រូអាត។ ប្រទេសនេះ មានផ្ទៃដី ៥៦ ៥៩៤គីឡូម៉ែត្រការ៉េ និងមានប្រជាជន ជាង ៤លាននាក់ (ក្នុងឆ្នាំ២០១៧)។ ក្រូអាត បានទទួលឯករាជ្យពីសាធារណរដ្ឋសហព័ន្ធសង្គមនិយមយូហ្គោស្លាវី កាលពីឆ្នាំ ១៩៩១។ ចាប់តាំងពីពេលនោះមក ក្រុមបាល់ទាត់ជម្រើសជាតិក្រូអាត ត្រូវបានបង្កើតឡើង និងត្រូវបានទទួលស្គាល់ដោយ FIFA និង UEFA នៅឆ្នាំ ១៩៩៣។

ក្រោយបង្កើតឡើងបានតែប៉ុន្មានឆ្នាំ ក្រូអាត បានទទួលជោគជ័យយ៉ាងសម្បើម ដោយអាចឆ្លងផុតវគ្គជម្រុះពានរង្វាន់ទ្វីបអឺរ៉ុប ឆ្នាំ១៩៩៦ (2016 Euro) និងបន្តរហូតឆ្លងផុតពូល ដល់វគ្គ ៨ក្រុមចុងក្រោយ។ សករាជ្យមាសរបស់ក្រូអាត បានបន្តដល់ ឆ្នាំ ១៩៩៨។

នៅ FIFA World Cup 1998 ក្រូអាត បានធ្វើឲ្យពិភពលោកភ្ញាក់ផ្អើល ក្នុងនាមជាចក្រុមដែលបង្ហាញខ្លួនលើកដំបូង តែអាចបំបាក់ក្រុមខ្លាំងៗជាច្រើន រហូតដល់ដណ្ដើមបានចំណាត់ថ្នាក់លេខ ៣។

កាលពី World Cup 1998 លើទឹកដីបារាំងនោះ ក្រូអាត ស្ថិតក្នុងពូល H ជាមួយអាហ្សង់ទីន ហ្សាម៉ៃកា និងជប៉ុន។ ឆ្លងកាត់ ៣ប្រកួតក្នុងពូល ក្រូអាត ឈ្នះ២ ចាញ់ ១ (ឈ្នះហ្សាម៉ៃកា ៣-១, ឈ្នះជប៉ុន ១-០ និងចាញ់អាហ្សង់ទីន ០-១) ទទួលបានចំណាត់ថ្នាក់លេខ២ ក្នុងពូល។ ឡើងដល់វគ្គ ១៦ក្រុមចុងក្រោយ ក្រុមនេះ បានទម្លាក់រ៉ូម៉ានី ដែលជាជើងខ្លាំងមួយនៅអឺរ៉ុបលកាលពីជំនាន់នោះ។ នៅវគ្គ ៨ក្រុម ក្រូអាត បានបំបាក់ជើងខ្លាំងអាល្លឺម៉ង់ ៣-០ រួចឡើងទៅជួបក្រុមម្ចាស់ផ្ទះបារាំង នៅវគ្គពាក់កណ្ដាលផ្ដាច់ព្រ័ត្រ។

នៅវគ្គពាក់កណ្ដាលផ្ដាច់ព្រ័ត្រនោះ ក្រូអាត បានស៊ុតនាំមុខក្រុមម្ចាស់ផ្ទះបារាំង ប៉ុន្តែត្រូវបារាំង វាយបកវិញ ២គ្រាប់។ នៅវគ្គដណ្ដើមចំណាត់ថ្នាក់លេខ៣ ក្រូអាត បានយកឈ្នះក្រុមខ្លាំង ហូឡង់ ២-១។

យ៉ាងណាក្ដី យុគមាសនៃបាល់ទាត់ក្រូអាត បានបញ្ចប់។

អត្ថបទ៖ សុខ សុវត្ថិ