ដូណាល់ ត្រាំ បញ្ចេញសារលិខិតមួយដែលទទួលបានពី គីម ជុងអ៊ុន

2018-07-13 03:11:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ដូណាល់ ត្រាំ ប្រធានាធិបតីអាមេរិក កាលពីថ្ងៃទី១២ ខែកក្កដា ២០១៨ ម្សិលមិញ បានបញ្ចេញសារលិខិតមួយ ដែលលោកទទួលបានពីលោក គីម ជុងអ៊ុន មេដឹកនាំកំពូលកូរ៉េខាងជើង។ ការបញ្ចេញសារលិខិតនោះ គឺក្រោយលោក Mike Pompeo រដ្ឋមន្រ្តីការបរទេសអាមេរិកបានទៅជួបចរចាជាមួយភាគីកូរ៉េខាងជើង កាលពីសប្ដាហ៍មុន ស្ដីពីបញ្ហាការរំលាយនុយក្លេអ៊ែរកូរ៉េខាងជើង។

មេដឹកនាំកូរ៉េខាងជើង គីម ជុងអ៊ុន និងប្រធានាធិបតីសហរដ្ឋអាមេរិក ដូណាល់ ត្រាំ ក្នុងពិធីចុះហត្ថលេខា អំឡុងជំនួបចចារជាប្រវត្តិសាស្រ្ដ នៅសណ្ឋាគារ Capella Hotel នៅសិង្ហបុរី នាថ្ងៃ១២ ខែមិថុនា

ក្នុងសារលិខិត ៤ឃ្លានោះ លោក គីម បានលើកឡើងថា "ខ្ញុំជឿជាក់យ៉ាងរឹងមាំថា ឆន្ទៈដ៏ខ្លាំងក្លា ការខិតខំដ៏ស្មោះស្ម័គ្រ និងយន្តការតែមួយរវាងរូបខ្ញុំ និងឯកឧត្ដមប្រធានាធិបតី បានសំដៅទៅកាន់ការបើកទ្វាអនាគតថ្មីមួយរវាងកូរ៉េខាងជើង និងអាមេរិក នឹងពិតជានាំរកលទ្ធផលផ្លែផ្កា"។

តាមរយៈ Twitter លោក ត្រាំ ថា សារលិខិតរបស់លោក គីម ជុងអអ៊ុន គឺជាដំណើរការដ៏អស្ចារ្យ ដែលកំពុងត្រូវបានធ្វើឡើង។

សូមបញ្ជាក់ថា ក្នុងសារលិខិតនោះ លោក គីម ក៏បានលើកឡើងពីជំនួបកំពូលរវាងរូបលោក និងលោក ដូណាល់ ត្រាំ នៅសិង្ហបុរី កាលពីថ្ងៃទី១២ ខែមិថុនា ២០១៨ថា គឺជាការចាប់ផ្ដើមដំណើរដ៏មានអត្ថន័យ៕

ប្រភព៖ Channelnewsasia ប្រែសម្រួល៖ វាសនា