ចិនបញ្ជូនយន្តហោះយោធា ៥ប្រភេទទៅប្រទេសរុស្ស៊ី

2018-07-13 07:12:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងកម្លាំងអាកាសនៃកងទ័ពរំដោះប្រជាជនចិន នឹងបញ្ជូនយន្តហោះយោធាចំនួន ៥ប្រភេទទៅកាន់ប្រទេសរុស្ស៊ី ដូចជា យន្តហោះទម្លាក់គ្រាប់បែក H-6K, យន្តហោះចម្បាំង J-10A, យន្តហោះចម្បាំង JH-7A និងយន្តហោះដឹកជញ្ជូនសម្ភារៈយោធា IL-76 និងY-9។ ការបញ្ជូនទៅនេះ គឺដើម្បីចូលរួមនៅក្នុងព្រឹត្តិការណ៍កីឡាកងទ័ពអន្តរជាតិនៅរុស្ស៊ី ដែលនឹងប្រព្រឹត្តទៅនៅថ្ងៃទី២៨ ខែកក្កដា ឆ្នាំ២០១៨ខាងមុខ។

ព្រឹត្តិការណ៍កីឡានេះ ជាគំនិតផ្ដួចផ្ដើមរបស់ក្រសួងការពារជាតិរុស្ស៊ី ដោយមានកិច្ចសហការរួមជាមួយនឹងចិន បេឡារូស អាហ្សេបៃហ្សង់ កាហ្សាក់ស្ថាន អាមេនី និងអ៊ីរ៉ង់។

សូមបញ្ជាក់ថា វាគឺជាលើកដំបូងហើយដែលចិនបញ្ជូនយន្តហោះយោធា H-6K និង Y-9 ទៅចូលរួមព្រឹត្តិការណ៍ប្រកួតនៅក្រៅប្រទេស។ នេះបើយោងតាមអ្នកនាំពាក្យកងងទ័ពរំដោះប្រជាជនចិន ថ្លែងនៅក្នុងសន្និសីទកាលពីពេលថ្មីៗកន្លងទៅ៕

ប្រភព៖ CCTV ប្រែសម្រួល៖ ឈាង.