កូរ៉េខាងត្បូង បញ្ជូនយន្តហោះចម្បាំង ស្ទាក់យន្តហោះទម្លាក់គ្រាប់បែករុស្ស៊ី

2018-07-14 02:36:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កូរ៉េខាងត្បូង កាលពីថ្ងៃសុក្រទី១៣ ខែកក្កដា ឆ្នាំ២០១៨ បានបញ្ជូនយន្តហោះចម្បាំង ដើម្បីស្ទាក់យន្តហោះទម្លាក់គ្រាប់បែករបស់រុស្ស៊ី ចំនួន ២គ្រឿង ដែលបានហោះចូលក្នុងដែនអាកាសរបស់កូរ៉េខាងត្បូង ចំនួន ៤លើក ក្នុងថ្ងៃដដែល ដោយប្រើប្រាស់ពេលជាង ៣ម៉ោង។

យន្តហោះទម្លាក់គ្រាប់បែក Tupolev Tu-95 របស់រុស្ស៊ី ហោះក្នុងពិធីហាត់សមមួយកាលពីខែឧសភា ឆ្នាំ២០១៨ (រូបថត៖ Strait Times)

កូរ៉េខាងត្បូង មិនបានបញ្ជាក់លម្អិតពីចំនួនយន្តហោះចម្បាំងដែលខ្លួនបានបញ្ជូនទៅនោះទេ។ ចំណែកក្រសួងការពារជាតិរុស្ស៊ី បានចេញសេចក្ដីថ្លែងការណ៍មួយថា យន្តហោះទម្លាក់គ្រាប់បែកប្រភេទ TU-95 ចំនួន ២គ្រឿង ត្រូវបានហោះអមដំណើរដោយយន្តហោះចម្បាំងប្រភេទ Su-35 នៅលើដែនទឹកអន្តរជាតិនៃសមុទ្រជប៉ុន ពោលគឺសមុទ្រលឿង និងភាគខាងកើតនៃមហាសមុទ្រប៉ាស៊ីហ្វិក។

ប្រភពដដែលបន្តថា យន្តហោះទាំងនេះ ត្រូវបានស្ទាក់ដោយយន្តហោះកូរ៉េខាងត្បូងប្រភេទ F-15 និង F-16 ព្រមទាំងយន្តហោះ F-2A របស់ជប៉ុននៅផ្នែកខ្លះនៃផ្លូវដែលយន្តហោះត្រូវបានហោះហើរ៕

ប្រភព៖ Straits Times ប្រែសម្រួល៖ លាភ.