លោក Deschamps ជាអ្នកទី៣ដែលឈ្នះ World Cup ក្នុងនាមជាកីឡាករនិងគ្រូបង្វឹក
- 2018-07-16 01:53:08
- ចំនួនមតិ 0 | ចំនួនចែករំលែក 0
លោក Deschamps ជាអ្នកទី៣ដែលឈ្នះ World Cup ក្នុងនាមជាកីឡាករនិងគ្រូបង្វឹក
ចន្លោះមិនឃើញ
លោក Didier Deschamps បានដឹកនាំក្រុមជម្រើសជាតិបារាំង លើកពានរង្វាន់ FIFA World Cup 2018 និងជាការឈ្នះជាលើកទី២ បន្ទាប់ពីបំបាក់ក្រុមក្រូអាត ដោយលទ្ធផល ៤-២ នៅវគ្គផ្តាច់ព្រ័ត្រ នាកីឡដ្ឋាន Luzhniki ទីក្រុងម៉ូស្គូ ប្រទេសរុស្ស៊ី។ ជ័យជម្នះនេះ មានន័យថា លោក Deschamps គឺជាមនុស្សទី៣ ដែលឈ្នះពានរង្វាន់នេះ ទាំងក្នុងនាមជាកីឡាករ និងក្នុងនាមជាគ្រូបង្វឹក។
លោក Zagallo ឈ្នះពានរង្វាន់ World Cup ជាមួយប្រេស៊ីល ក្នុងនាមជាកីឡាករ នៅក្នុងឆ្នាំ១៩៥៨ និង ១៩៦២ ។ បន្ទាប់មក លោកបានក្លាយជាគ្រូបង្វឹក ដឹកនាំប្រេស៊ីលលើកពាន World Cup នៅក្នុងឆ្នាំ១៩៧០។
ចំណែកលោក Beckenbauer បានជួយឲ្យក្រុមជម្រើសជាតិអាល្លឺម៉ង់ខាងលិចឈ្នះ World Cup កាលពីឆ្នាំ១៩៧៤ ក្នុងនាមជាកីឡាករ មុនពេលដែលលោកក្លាយជាគ្រូបង្វឹក ជួយឲ្យក្រុមដដែលលើកពាន World Cup ក្នុងឆ្នាំ១៩៩០៕