ជំនួបកំពូលជាលើកដំបូងរវាងលោក ត្រាំ និងលោក ពូទីន នឹងធ្វើឡើងនៅថ្ងៃនេះ

2018-07-16 08:20:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ដូណាល់ ត្រាំ ប្រធានាធិបតីអាមេរិក និងលោក វ្លាឌីមៀ ពូទីន ប្រធានាធិបតីរុស្ស៊ី នឹងជួបពិភាក្សាគ្នាលើកដំបូង ក្នុងជំនួបកំពូលមួយ ដែលធ្វើឡើងនៅទីក្រុង Helsinki របស់ប្រទេសហ្វាងឡង់ នាថ្ងៃទី១៦ ខែកក្កដា ២០១៨នេះ។ ការជួបចរចារវាងកំពូលមេដឹកនាំពិភពលោកទាំងពីរនេះ គឺស្របពេលដែលប្រទេសទាំងពីរកំពុងមានភាពតានតឹងជាមួយគ្នាលើបញ្ហាជាច្រើន។

លោក ត្រាំ ជួបជាមួយលោក ពូទីន អំឡុងកិច្ចប្រជុំ G20 នៅក្រុង Hamburg ប្រទេសអាល្លឺម៉ង់ កាលពីថ្ងៃទី៧ ខែកក្កដា ឆ្នាំ២០១៧ (រូបភាព៖ Reuters)

លោក ត្រាំ បានទៅដល់ប្រទេសហ្វាងឡង់ តាំងពីល្ងាចថ្ងៃទី១៥ ខែកក្កដា ២០១៨ ម្សិលមិញ។ ចំណែកលោក ពូទីន វិញ នឹងទៅដល់ប្រទេសហ្វាងឡង់ នៅព្រឹកថ្ងៃទី១៦ ខែកក្កដា ២០១៨នេះ។ មេដឹកនាំទាំងពីរនឹងជួបចរចាគ្នា មួយទល់មួយ អបដោយអ្នកបកប្រែម្នាក់ប៉ុណ្ណោះ។ បន្ទាប់មក ប្រធានាធិបតីទាំងពីរនឹងធ្វើសន្និសីតសារព័ត៌មានពីលទ្ធផលនៃជំនួបកំពូល។

ជំនួបកំពូលនេះ គឺធ្វើឡើងខណៈពេលដែលប្រទេសរុស្ស៊ី និងប្រទេសបស្ចឹមលោក កំពុងមានភាពតានតឹងជាមួយគ្នាលើបញ្ហាជាច្រើន ដូចជាបញ្ហាអ៊ីរ៉ង់ ស៊ីរី គ្រីមមៀ ជាពិសេសគឺបញ្ហាពាណិជ្ជកម្ម និងយោធា។

ក្រៅពីជំនួបចរចាគ្នា លោក ត្រាំ និងលោក ពូទីន ក៏នឹងជួបជាមួយលោក Sauli Niinisto ប្រធានាធិបតីហ្វាងឡាំងផងដែរ៕

ប្រភព៖ CGTN ប្រែសម្រួល៖ វាសនា