អ្នកគាំទ្ររាប់ម៉ឺននាក់ ស្វាគមន៍ក្រុមក្រូអាត ក្រោយត្រឡប់ពី World Cup

2018-07-17 02:40:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមជម្រើសជាតិក្រូអាត បានទទួលការស្វាគមន៍យ៉ាងកក់ក្ដៅ ពីសំណាក់អ្នកគាំទ្ររាប់ម៉ឺននាក់ ដែលរង់ចាំនៅតាមដងផ្លូវនានា នៅក្រុង Zagreb ក្នុងដំណើរវិលត្រឡប់ពីព្រឹត្តិការណ៍ FIFA World Cup ដែលទើបតែបញ្ចប់កាលពីពេលថ្មីៗនេះ។

ក្រុមជម្រើសជាតិក្រូអាត នៅលើរថយន្ត អបអរជាមួយអ្នកគាំទ្ររបស់ខ្លួន នៅក្រុង Zagreb

ទោះបីជាក្រូអាត បានត្រឹមជាជើងឯករងក៏ដោយ ក៏អ្នកគាំទ្រក្រូអាត បង្ហាញសេចក្ដីស្រឡាញ់ ដោយខ្លះបានគ្រវីទង់ជាតិ និងស្លៀកពាក់ឈុតក្រូអាត។ អ្នកគាំទ្រខ្លះទៀត បានស្រែកថា "ជើងឯក! ជើងឯក!” បន្ទាប់ពីក្រុមជម្រើសជាតិរបស់ពួកគេ ធ្វើបានយ៉ាងល្អដោយអាចឡើងទៅដល់វគ្គផ្តាច់ព្រ័ត្រ World Cup ដែលមិនធ្លាប់មានក្នុងប្រវត្តិសាស្ត្រក្រូអាតឡើយ។

សូមជម្រាបថា ក្រូអាត បានចាញ់បារាំង ដោយលទ្ធផល ៤-២ កាលពីថ្ងៃអាទិត្យ នាក្រុងមូស្គូ ស្របពេលដែលតារាបាល់ទាត់ឆ្នើម និងជាប្រធានក្រុម Luka Modric ទទួលបានពានរង្វាន់បាល់មាស ដែលជាពានរង្វាន់សម្រាប់កីឡាករឆ្នើមប្រចាំព្រឹត្តិការណ៍៕

ទស្សនាទិដ្ឋភាពផ្សេងៗ នៃការវិលត្រឡប់របស់ក្រុមជម្រើសជាតិក្រូអាត