គ.ជ.ប បង្ហាញទឹកថ្នាំជ្រលក់ដៃ ដល់ភាគីពាក់ព័ន្ធនៅព្រឹកនេះ

2018-07-17 03:14:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណៈកម្មាធិការជាតិរៀបចំការបោះឆ្នោត (គ.ជ.ប) បានធ្វើការបង្ហាញទឹកខ្មៅជ្រលក់ដៃសម្រាប់បម្រើដល់ការបោះឆ្នោតជ្រើសតាំងតំណាងរាស្ត្រ នៅព្រឹកថ្ងៃទី១៧ ខែកក្កដា ឆ្នាំ២០១៨នេះ ដល់តំណាងគណបក្សនយោបាយ និងអង្គការសមាគមជាតិ និងអន្តរជាតិ រួមទាំងភាគីពាក់ព័ន្ធនៅសាលសន្និសីទសារព័ត៌មាន គ.ជ.ប។

ក្នុងឱកាសនេះ លោក ហ៊ឺ រ៉ុង ប្រធាននាយកដ្ឋានប្រតិបត្តិការ គ.ជ.ប បានបញ្ជាក់ថា ការសាកល្បងជ្រលក់ទឹកខ្មៅ គឺមានអ្នកសាកល្បងចំនួន ១២នាក់ ហើយបន្ទាប់ពីជ្រលក់ គឺឲ្យអ្នកទាំង ១២នាក់ លាងទឹកខ្មៅចេញ ប៉ុន្តែលាងមិនជ្រះទេ។

ការសាកល្បងទឹកខ្មៅ

ទឹកថ្នាំជ្រលក់ដៃចំនួន ៥១០០០ដប គ.ជ.ប បានបញ្ជាទិញពីក្រុមហ៊ុនរបស់ឥណ្ឌាមួយឈ្មោះ Mysore paints and varnish limited ។ ទឹកខ្មៅទាំងនេះ ត្រូវបានបញ្ជូនមកដល់ប្រទេសកម្ពុជា កាលពីថ្ងៃទី៥ ខែកក្កដា ឆ្នាំ២០១៨។

ក្រុមហ៊ុន Mysore paints and varnish limited ផលិតទឹកខ្មៅតាំងពីឆ្នាំ១៩៣៨ គឺស្តេចនៅប្រទេសឥណ្ឌា ជាអ្នកផ្តួចផ្តើមគំនិតក្នុងការផលិតទឹកខ្មៅនេះ៕