ទេសចរចូលមកកម្ពុជាតាមផ្លូវអាកាស កើនឡើង ២៥%
- 2018-07-18 01:59:08
- ចំនួនមតិ 0 | ចំនួនចែករំលែក 0
ទេសចរចូលមកកម្ពុជាតាមផ្លូវអាកាស កើនឡើង ២៥%
ចន្លោះមិនឃើញ
ទេសចរអន្តរជាតិដែលចូលមកលេងកម្សាន្តនៅកម្ពុជាតាមផ្លូវអាកាស ក្នុងរយៈពេល៥ខែ នាដើមឆ្នាំ២០១៨ មានកំណើនចំនួន ២៥% បើធៀបនឹងឆ្នាំ២០១៧កន្លងទៅ។ នេះបើតាមការឲ្យដឹងពីលោក គង់ សុភារក្ស ប្រធាននាយកដ្ឋានផែនការស្ថិតិ នៃក្រសួងទេសចរណ៍ កាលពីថ្ងៃទី១៧ ខែកក្កដាម្សិលមិញ។
លោក គង់ សុភារក្ស បានបញ្ជាក់ថា ចំនួនទេសចរបរទេសសរុបនា៥ខែ ដើមឆ្នាំនេះ ទាំងផ្លូវអាកាស ផ្លូវគោក និងផ្លូវទឹក មានប្រមាណជាង ២,៦លាននាក់ គឺកើនឡើង ១៣,៥%។ លោកបានបន្តថា ទេសចរដែលមកកម្ពុជាច្រើនជាងគេ គឺជាជនជាតិចិន ដែលមានចំនួនជិត ៨០ម៉ឺននាក់ កើនឡើង ៧៩% បើធៀបនឹងឆ្នាំ២០១៧។ ដោយឡែក ទេសចរអឺរ៉ុបក៏មានចំនួនកើនឡើងមិនតិចនោះដែរ គឺកើនឡើងពី ៦ ទៅ ៧%៕