ឥណ្ឌូណេស៊ី ទទួលស្វាគមន៍ភ្លើងគប់កីឡាអាស៊ីឆ្នាំ២០១៨

2018-07-18 04:45:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ភ្លើងគប់សម្រាប់ព្រឹត្តិការណ៍កីឡាអាស៊ីលើកទី ១៨ ត្រូវបានបញ្ជូនទៅដល់ទីក្រុង Yogyakarta ប្រទេសឥណ្ឌូណេស៊ី នៅថ្ងៃទី១៧ កក្កដាម្សិលមិញ និងទទួលបានការស្វាគមន៍ ដោយមានការធ្វើពិធីក្បួនព្យុហយាត្រាយោធា ការរាំបែបប្រពៃណី និងការបង្ហាញទស្សនីយភាពពីកងទ័ពជើងអាកាសជាដើម។

កាលពីថ្ងៃ១៥ កក្កដា ឆ្នាំ២០១៨ ភ្លើងគប់នេះ ត្រូវបានគេដុតបញ្ឆេះ និងបញ្ជូនពីទីក្រុងដេលី ប្រទេសឥណ្ឌា ដែលជាទីក្រុងម្ចាស់ផ្ទះកីឡាអាស៊ីដំបូងគេបំផុត កាលពីឆ្នាំ១៩៥១។

ការធ្វើពិធីក្បួនព្យុហយាត្រាយោធា ស្វាគមន៍ភ្លើងគប់សម្រាប់ព្រឹត្តិការណ៍កីឡាអាស៊ីលើកទី ១៨។ រូបថត៖ Reuters

ប្រធានគណៈកម្មាធិការរៀបចំកីឡាអាស៊ី លោក Erick Thohir បាននិយាយថា ទីក្រុង Yogyakarta ត្រូវបានជ្រើសរើសជាទីតាំងទទួលភ្លើងគប់ ក៏ព្រោះតែទីក្រុងនេះមានប្រវត្តិសាស្ត្រជាច្រើន និងក៏ជាតំបន់ទេសចរណ៍ដ៏ល្បីឈ្មោះផងដែរ។

គួរបញ្ជាក់ថា ទីក្រុង Jakarta និងទីក្រុង Palembang ប្រទេសឥណ្ឌូណេស៊ី នឹងត្រូវរៀបចំធ្វើជាម្ចាស់ផ្ទះកីឡាអាស៊ីឆ្នាំ២០១៨ ដែលត្រៀមទទួលអត្តពលិកចំនួន ១១០០០ នាក់ និងមន្ត្រី ៥០០០ នាក់ មកពីប្រទេសចំនួន ៤៥ផ្សេងៗគ្នា។ កីឡាដ៏ធំប្រចាំទ្វីបអាស៊ីនេះ នឹងត្រូវចាប់ផ្ដើមពីថ្ងៃទី ១៨ សីហា ដល់ថ្ងៃទី ០២ កញ្ញា ឆ្នាំ២០១៨៕

ប្រភព៖ Bangkokpost ប្រែសម្រួល៖ អឹុម ម៉េងស៊ាង