ដូណាល់ ត្រាំ៖ គ្មានពេលជាក់លាក់កំណត់ថ្ងៃរំលាយនុយក្លេអ៊ែរកូរ៉េខាងជើងទេ
- 2018-07-18 06:54:08
- ចំនួនមតិ 0 | ចំនួនចែករំលែក 0
ដូណាល់ ត្រាំ៖ គ្មានពេលជាក់លាក់កំណត់ថ្ងៃរំលាយនុយក្លេអ៊ែរកូរ៉េខាងជើងទេ
ចន្លោះមិនឃើញ
ស្ថិតនៅក្នុងកិច្ចប្រជុំសភាអាមេរិកនាថ្ងៃទី១៨ កក្កដា ២០១៨ លោកប្រធានាធិបតី ដូណាល់ ត្រាំ បានថ្លែងថា ការលុបបំបាត់ចោលកម្មវិធីអាវុធនុយក្លេអ៊ែរកូរ៉េខាងជើង ពុំមានកាលបរិច្ឆេទកំណត់ច្បាស់លាស់នោះឡើយ។
លោក និយាយថា៖ "យើងគ្មានការកំណត់ពេលវេលា។ យើងគ្មានការកំណត់ល្បឿន។ យើងគ្រាន់តែធ្វើវាទៅតាមដំណើរការតែប៉ុណ្ណោះ"។ បន្ថែមពីនេះ លោកប្រធានាធិបតី បានបញ្ជាក់ទៀតថា អាមេរិកមិនប្រញាប់រឿងរំលាយកម្មវិធីនុយក្លេអ៊ែរកូរ៉េខាងជើងទេ ហើយណាមួយទណ្ឌកម្មដែលអាមេរិកដាក់លើរដ្ឋាភិបាលក្រុងព្យុងយ៉ាងក៏នៅតែអនុវត្តដដែល។ លោកបន្តថា ចំណាប់ខ្មាំងដែលជាប់ខ្លួននៅកូរ៉េខាងជើង ត្រូវបានដោះលែង ឯការធ្វើតេស្តមីស៊ីល និងនុយក្លេអ៊ែរក៏ស្ងប់ស្ងាត់រយៈពេល៩ខែដែរមកហើយ។ "ខ្ញុំគិតថា ទំនាក់ទំនងយើងគឺល្អណាស់ ដូច្នេះយើងនឹងរង់ចាំមើលដំណើរការរបស់វាតទៅទៀត" លោក ត្រាំ បន្ថែម។
ទាក់ទិននឹងរឿងកម្មវិធីអាវុធនុយក្លេអ៊ែរនៅកូរ៉េខាងជើងនេះដែរ លោក ដូណាល់ ត្រាំ បានចោទប្រកាន់ទៅលើរដ្ឋបាលគ្រប់គ្រងចាស់នាពេលកន្លងទៅរបស់អាមេរិក មុនលោកឡើងកាន់តំណែង ដែលតែងចរចាជាមួយកូរ៉េខាងជើងឥតឈប់ឥតឈរ រហូតដល់បរាជ័យមិនអាចសម្រេចគោលដៅបាន៕