ក្រុងមូស្គូ ចំណេញប្រាក់១គុណនឹង៤ ពី World Cup

2018-07-18 06:47:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទីក្រុងមូស្គូ ដែលបានរួមចំណែកក្នុងការរៀបចំព្រឹត្តិការណ៍ FIFA World Cup 2018 ទទួលបានចំណូលប្រមាណជា ៩៦,៦ពាន់លានរ៉ូប (១,៦ពាន់លានដុល្លារ)។ ចំនួននេះ គឺច្រើនជាងការចំណាយរបស់មូស្គូ ដែលមានត្រឹមតែ ២៥ពាន់លានរ៉ូប (៤០០លានដុល្លារ) ប៉ុណ្ណោះ។ នេះជាការបញ្ជាក់ពីអភិបាលក្រុង លោក Sergey Sobyanin ក្នុងវេទិកាមួយកាលពីថ្ងៃទី១៧កក្កដា។

អ្នកគាំទ្របារាំង ៣នាក់ នៅក្រុងមូស្គូ (រូបថត៖ Sputnik)

អភិបាលក្រុងដដែលបន្តថា អ្នកគាំទ្រប្រមាណ ៣,៨លាននាក់ បានចូលរួមព្រឹត្តិការណ៍ World Cup នៅរុស្ស៊ី។ យ៉ាងណាមិញ លោកមិនទាន់បញ្ជាក់ពីចំណូលសរុប ដែលរុស្ស៊ីរកបានពី World Cup នោះទេ។

លោកបន្តថា សម្រាប់ក្រុងមូស្គូ គេបានចំណាយ ៤០០លានដុល្លារលើគម្រោងជួសជុលកីឡដ្ឋាន Luzhniki ដើម្បីឆ្លើយតបនឹងស្តង់ដាររបស់ FIFA ។

សូមជម្រាបថា ក្រុងមូស្គូ បានរួមចំណែកក្នុងការរៀបចំចំនួន១២ប្រកួត កាលពី World Cup កន្លងទៅ រួមទាំងការប្រកួតបើកឆាក និងការប្រកួតវគ្គផ្តាច់ព្រ័ត្រ ដែលរៀបចំនៅកីឡដ្ឋាន Luzhniki ផងដែរ។ កីឡដ្ឋាននេះ អាចផ្ទុកមនុស្ស ៨ម៉ឺននាក់។

គួររំឭកថា ព្រឹត្តិការណ៍ FIFA World Cup 2018 ដែលទើបតែបញ្ចប់ ត្រូវបានរៀបចំក្នុងទីក្រុងចំនួន ១១ នៅប្រទេសរុស្ស៊ី រួមមាន ក្រុងមូស្គូ, St. Petersburg, Sochi, Kazan, Saransk, Kaliningrad, Volgograd, Rostov-on-Don, Nizhny Novgorod, Yekateringburg និង Samara ពីថ្ងៃទី១៤ មិថុនា ដល់ ១៥ កក្កដា ឆ្នាំ២០១៨៕

ប្រភព៖ RT ប្រែសម្រួល៖ លាភ.