ក្មេងៗថៃ បង្ហាញមុខជាសាធារណៈជាលើកដំបូង ក្រោយចេញពីមន្ទីរពេទ្យ
- 2018-07-18 23:27:34
- ចំនួនមតិ 0 | ចំនួនចែករំលែក 0
ក្មេងៗថៃ បង្ហាញមុខជាសាធារណៈជាលើកដំបូង ក្រោយចេញពីមន្ទីរពេទ្យ
ចន្លោះមិនឃើញ
ក្រោយចេញពីមន្ទីរពេទ្យ យុវកីឡាករ១២នាក់ និងគ្រូបង្វឹកម្នាក់ ដែលបានរួចផុតពីក្នុងល្អាងភ្នំថាមហ្លូង ខេត្តឈៀងរ៉ៃ ប្រទេសថៃ បានបង្ហាញមុខជាសាធារណៈ កាលពីល្ងាចថ្ងៃទី១៨ ខែកក្កដា ឆ្នាំ២០១៨ នៅក្នុងសន្និសីទសារព័ត៌មានមួយ ដែលត្រូវបានផ្សព្វផ្សាយទៅពិភពលោក។
អំឡុងពេល៩ថ្ងៃក្នុងល្អាងភ្នំ ក្រុមបាល់ទាត់នេះ មិនមានអាហារសម្រាប់បរិភោគនោះទេ ពោលគឺមានត្រឹមតែទឹកដែលហូរតាមជញ្ជាំងថ្មក្នុងល្អាងភ្នំប៉ុណ្ណោះ។
លោក Ekkapol Chantawong គ្រូបង្វឹកបាល់ទាត់ក្នុងចំណោមអ្នកទាំង១៣ បាននិយាយថា ក្មេងៗអាចនឹងទៅបួសដើម្បីសងគុណដល់អតីតទាហានជើងទឹកថៃម្នាក់ ដែលបានស្លាប់ក្នុងបេសកកម្មជួយសង្គ្រោះពួកគេ។
លោក ប្រាយុទ្ធ ចាន់អូចា នាយករដ្ឋមន្ត្រីថៃ កាលពីម្សិលមិញ បានអំពាវនាវឲ្យមានការយោគយល់ក្នុងការសួរសំណួរទៅកាន់ក្មេងៗ ព្រោះវាអាចបង្កការប៉ះពាល់ផ្សេងៗ ដែលគេមិនអាចដឹង។ ជាងនេះទៅទៀត ក្រុមគ្រូពេទ្យបានផ្ដល់ដំបូន្មានឲ្យក្មេងៗ និងគ្រួសាររបស់ពួកគេ មិនត្រូវជួបជាមួយអ្នកសារព័ត៌មានណាម្នាក់ឡើយ រហូតបានរយៈពេល ១ខែសិន។
សូមបញ្ជាក់ថា ក្មេងៗ និងគ្រូបង្វឹកម្នាក់ ទាំង១៣នាក់ ត្រូវបានរកឃើញកាលពីថ្ងៃទី២កក្កដា ៩ថ្ងៃក្រោយបាត់ខ្លួន។ ក្នុងបេសកកម្មជួយសង្គ្រោះ បណ្ដាលឲ្យសមាជិកជួយសង្គ្រោះម្នាក់ស្លាប់ កាលពីថ្ងៃទី៦កក្កដា។ ការជួយសង្គ្រោះនេះ ទទួលបានជោគជ័យ និងបញ្ចប់កាលពីថ្ងៃអង្គារ ទី១០ ខែកក្កដា ឆ្នាំ២០១៨៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
