អាមេរិក នឹងផ្តល់ប្រាក់ជាង២៦លានដុល្លារឲ្យហ្វីលីពីន ដើម្បីទប់ទល់អំពើភេរវកម្ម

2018-07-19 04:36:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហរដ្ឋអាមេរិក នឹងផ្ដល់ប្រាក់ ២៦,៥ លានដុល្លារ សម្រាប់រយៈពេល២ឆ្នាំ ឲ្យភ្នាក់ងារអនុវត្តច្បាប់ហ្វីលីពីន ដើម្បីទប់ទល់អំពើភេរវកម្ម។ នេះបើតាមការសេចក្ដីប្រកាសរបស់ស្ថានទូតអាមេរិកប្រចាំហ្វីលីពីន។

យោងតាមការចុះផ្សាយរបស់សារព័ត៌មាន GMA News Online នៅថ្ងៃទី១៩ កក្កដា ឆ្នាំ២០១៨នេះ ស្ថានទូត បានបញ្ជាក់ថា សហរដ្ឋអាមេរិក នឹងផ្តល់ឧបករណ៍ ការហ្វឹកហាត់ និងការគាំទ្រផ្សេងទៀតៗ ដើម្បីជួយភ្នាក់ងារអនុវត្តច្បាប់ក្នុងស្រុក ពង្រឹងសមត្ថភាពរបស់ពួកគេ។

លោកប្រធានាធិបតី ដូណាល់ ត្រាំ ជួបពិភាក្សាជាមួយសមភាគីហ្វីលីពីន លោក Rodrigo Duterte នៅក្រៅជំនួបកំពូលអាស៊ាន នាទីក្រុងម៉ានីល ប្រទេសហ្វីលីពីន កាលពីឆ្នាំ២០១៧។ រូបថត៖ Reuters

វិភាគទានថ្មីនេះ ក៏នឹងជួយពង្រឹងសមត្ថភាពរបស់ភ្នាក់ងារពាក់ព័ន្ធ ក្នុងការស៊ើបអង្កេត ការកាត់ទោសក្រុមភេរវកម្ម ព្រមទាំងទប់ទល់ប្រឆាំងនឹងជំនឿជ្រុលនិយម ដែលបង្កឲ្យកើតមានអំពើហិង្សាដ៏ឃោរឃៅផងដែរ។

គួរបញ្ជាក់ដែរថា ក្រោមរដ្ឋបាលរបស់លោកប្រធានាធិបតីដូណាល់ ត្រាំ រដ្ឋាភិបាលទីក្រុងវ៉ាស៊ីនតោន បានផ្តល់ជំនួយយ៉ាងហោចណាស់ជាង ១៣,៦ លានដុល្លារ ដល់រដ្ឋាភិបាលហ្វីលីពីន ដើម្បីគាំទ្រសមភូមិនៅក្នុងទីក្រុង Marawi ដែលត្រូវបានវាយប្រហារ និងឈ្លានពានដោយក្រុម ISIS អស់រយៈជាច្រើនខែ កាលពីឆ្នាំមុន៕

ប្រភព៖ GMA Network ប្រែសម្រួល៖ អឹុម ម៉េងស៊ាង