ឥណ្ឌូណេស៊ី នឹងអញ្ជើញមេដឹកនាំកូរ៉េទាំង២ ឲ្យចូលរួមកីឡាអាស៊ីឆ្នាំ២០១៨

2018-07-19 07:12:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលឥណ្ឌូណេស៊ី នឹងអញ្ជើញប្រធានាធិបតីកូរ៉េខាងត្បូង លោកមូន ចេអ៊ុន និងមេដឹកនាំកំពូលកូរ៉េខាងជើង លោកគីម ជុងអ៊ុន ឲ្យចូលរួមព្រឹត្តិការណ៍កីឡាអាស៊ីលើកទី ១៨ ដែលគ្រោងនឹងធ្វើឡើង នាទីក្រុងហ្សាកាតា និង Palembang ប្រទេសឥណ្ឌូណេស៊ី ចាប់ពីថ្ងៃ ១៨ សីហា ដល់ថ្ងៃទី០២ កញ្ញា ២០១៨។

លោកស្រី Puan Maharani ថ្លែងនាពេលកន្លងមក។ រូបថត៖ Angga Yuniar

រដ្ឋមន្ត្រីក្រសួងសម្របសម្រួលអភិវឌ្ឍន៍មនុស្ស និងវប្បធម៌ លោកស្រី Puan Maharani បានប្រាប់សារព័ត៌មានកាលពីថ្ងៃ ១៨ កក្កដាម្សិលមិញថា «រដ្ឋមន្ត្រីការបរទេស នឹងផ្ញើលិខិតអញ្ជើញជាផ្លូវការទៅកាន់ប្រជាធិបតីកូរ៉េខាងត្បូង ខណៈដែលខ្ញុំ នឹងផ្ញើលិខិតអញ្ជើញទៅកាន់មេដឹកនាំកូរ៉េខាងជើង»។

លោកស្រី បន្ថែមទៀត «យើងសង្ឃឹមថា មេដឹកនាំទាំង២ នឹងព្រមទទួលការអញ្ជើញនេះ»។

ក្រុមប្រឹក្សាអូឡាំពិកអាស៊ី ឬហៅកាត់ថា OCA កាលពីថ្មីៗនេះ បានប្រកាសថា មេដឹកនាំកូរ៉េទាំង២ នឹងបង្កើតក្រុមរួមគ្នា ដើម្បីចូលរួមប្រកួតក្នុងវិញ្ញាសាមួយចំនួន ក្នុងនោះមាន ចែវទូក និងបាល់បោះស្ត្រី នៅឯព្រឹត្តិការណ៍កីឡាអាស៊ីដែលមានរយៈបួនឆ្នាំម្ដងនេះ៕

ប្រភព៖ The Jakarta Post ប្រែសម្រួល៖ អឹុម ម៉េងស៊ាង