ចាប់ពីដើមឆ្នាំ២០១៩ ពន្ធទ្វេភាគីកម្ពុជា-ចិន នឹងត្រូវបន្ថយពី ១៤% មក ១០%
- 2018-07-19 08:05:51
- ចំនួនមតិ 0 | ចំនួនចែករំលែក 0
ចាប់ពីដើមឆ្នាំ២០១៩ ពន្ធទ្វេភាគីកម្ពុជា-ចិន នឹងត្រូវបន្ថយពី ១៤% មក ១០%
ចន្លោះមិនឃើញ
ចាប់ពីថ្ងៃទី១ ខែមករា ឆ្នាំ២០១៩ខាងមុខ ពន្ធទ្វេភាគីរវាងកម្ពុជា-ចិន នឹងត្រូវកាត់បន្ថយពី ១៤% សល់ត្រឹម ១០% ដើម្បីលើកទឹកចិត្តវិនិយោគិនពីប្រទេសចិនមកកម្ពុជា និងពីកម្ពុជាទៅប្រទេសចិន។ នេះបើយោងតាមការលើកឡើងរបស់លោក Chen Chang Jiang នាយកប្រតិបត្តិនៃធនាគារចិនសាខាភ្នំពេញ និងជាប្រធាននៃសភាពាណិជ្ជកម្មចិន នៅថ្ងៃទី១៨ ខែកក្កដា ឆ្នាំ២០១៨។
លោក Chen Chang Jiang បានបញ្ជាក់ថា បើគិតពីដើមឆ្នាំ២០១៨ ក្រុមហ៊ុនចិនដែលបានមកវិនិយោគនៅកម្ពុជា មានលើសពី១ពាន់សហគ្រាស និងមាន ៦០០ដៃគូទៀតកំពុងសហការជាមួយសមាគមពាណិជ្ជកម្មចិនលើវិស័យជាច្រើននៅកម្ពុជា ដូចជាកសិកម្ម ការកែច្នៃវាយនភណ្ឌ សម្លៀកបំពាក់ ថាមពលអគ្គិសនី ពាណិជ្ជកម្ម សំណង់ វិស្វកម្ម ទូរគមនាគមន៍ និងទេសចរណ៍ ជាដើម។ លោកបន្តថា ឥទ្ធិពលចិននៅកម្ពុជា បានកើនឡើងជាបន្តបន្ទាប់ ដោយក្នុងរយៈពេល៥ឆ្នាំជាប់គ្នាកន្លងមកនេះ ចិនគឺជាវិនិយោគិនដោយផ្ទាល់ពីបរទេសធំជាងគេរបស់កម្ពុជា ដែលមានទុនវិនិយោគសរុបប្រមាណ ៥,៣ពាន់លានដុល្លារ ឬប្រហែល ១ពាន់លានដុល្លារក្នុង១ឆ្នាំៗ៕