ថ្ងៃនេះ ៦០ឆ្នាំមុន កម្ពុជា-ចិនបានបង្កើតទំនាក់ទំនងការទូតជាផ្លូការ

2018-07-19 08:07:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី១៩ ខែកក្កដា ឆ្នាំ១៩៥៨ ប្រទេសកម្ពុជា និងប្រទេសចិនបានបង្កើតទំនាក់ទំនងការទូតជាផ្លូវការជាមួយគ្នា ដែលមកដល់ពេលនេះ មានរយៈពេល ៦០ឆ្នាំហើយ។ ការបង្កើតទំនាក់ទំនងការទូតជាផ្លូវការនេះ ត្រូវបានផ្ដួចផ្ដើមដោយព្រះបរមរតនកោដ្ឋ ព្រះបាទ នរោត្តម សីហនុ អតីតព្រះមហាក្សត្រកម្ពុជា និងលោក ជូ អេងឡាយ អតីតនាយករដ្ឋមន្រ្តីចិន អំឡុងសន្និសីទក្រុង Bandung ប្រទេសឥណ្ឌូណេស៊ី នៅឆ្នាំ១៩៥៥។

សម្ដេច ហ៊ុន សែន នាយករដ្ឋមន្រ្តីកម្ពុជា និងលោក លី ឃឺឈាង នាយករដ្ឋមន្រ្តីអំឡុងចូលរួមកិច្ចប្រជុំមួយនៅក្រុងភ្នំពេញ

នៅឆ្នាំ២០១០ ប្រទេសទាំងពីរបានបង្កើតកិច្ចសហប្រតិបត្តិការដៃគូយុទ្ធសាស្រ្តគ្រប់ជ្រុងជ្រោយ ដើម្បីបន្ដអភិវឌ្ឍ និងលើកកម្រិតទំនាក់ទំនងទ្វេភាគី។ មកដល់បច្ចុប្បន្ននេះ ប្រទេសចិន គឺជាប្រភពវិនយោគបរទេសដ៏ធំបំផុត ដៃគូវិនិយោគដ៏ធំបំផុត ដៃគូផ្ដល់ជំនួយបរទេសដ៏ធំបំផុត និងប្រភពនៃទេសចរបរទេសដ៏ធំបំផុតរបស់កម្ពុជា។

ចំណែកនៅថ្ងៃគម្រប់ខួបទំនាក់ទំនងការទូត ៦០ឆ្នាំនេះ ព្រះបាទសម្ដេច ព្រះបរមនាថ នរោត្តម សីហមុនី ប្រមុខរដ្ឋកម្ពុជា និងលោក ស៊ី ជីងពីង ប្រមុខរដ្ឋចិន ក៏បានផ្ញើព្រះរាជសារ និងសារលិខិត អបអរសាទរទៅវិញទៅមកផងដែរ។ ជាមួយគ្នានេះ សម្ដេច ហ៊ុន សែន ប្រមុខរាជរដ្ឋាភិបាលចិន និងលោក លី ឃឺឈាង ប្រមុខរដ្ឋាភិបាលចិន ក៏បានលិខិតអបអរសាទរទៅវិញទៅមកផងដែរ ក្នុងថ្ងៃគម្រប់ខួបទំនាក់ទំនងការទូត ៦០ឆ្នាំនេះ៕

ប្រភព៖ CGTN ប្រែសម្រួល៖ វាសនា