ទុរេនរបស់ថៃ ត្រូវបាញ់បង្ហោះទៅអវកាសហើយ តាមរយៈគ្រាប់រ៉ុកកែតអាមេរិក!
- 2018-07-20 00:03:15
- ចំនួនមតិ 0 | ចំនួនចែករំលែក 0
ទុរេនរបស់ថៃ ត្រូវបាញ់បង្ហោះទៅអវកាសហើយ តាមរយៈគ្រាប់រ៉ុកកែតអាមេរិក!
ចន្លោះមិនឃើញ
ភ្នាក់ងារស្រាវជ្រាវអវកាសថៃ បានបំពាក់ទុរេនដុតចំនួន៤ផ្លែនៅលើគ្រាប់រ៉ុកកែត New Shepard របស់ក្រុមហ៊ុនអវកាសអាមេរិក Blue Orgin។ ការបញ្ជូនទុរេនទៅអវកាសនេះ បានធ្វើឡើងកាលពីវេលាម៉ោង៩យប់ថ្ងៃទី១៩ ខែកក្កដា ឆ្នាំ២០១៨ ដោយបង្ហោះចេញពីទីក្រុង West នៃរដ្ឋ Texas។
ក្រុមហ៊ុនផ្កាយរណបថៃឈ្មោះ Mu Space បានឲ្យដឹងថា ពួកគេបានទិញកន្លែងផ្ទុកទំនេរមួយនៅលើរ៉ុកកែត New Shepard សម្រាប់ដាក់ទុរេនម៉ាក "Space Elephant" ដែលមានការវេចខ្ចប់ថង់យ៉ាងជិតគ្មានសម្ពាធខ្យល់ចេញចូលនោះឡើយ។ លោក Philip Nalangan នាយកផ្នែកប្រព័ន្ធផ្សព្វផ្សាយ និងទំនាក់ទំនង Mu Space បានរៀបរាប់ថា ការធ្វើដូច្នេះគឺជាផ្នែកមួយនៃគម្រោងរបស់ភ្នាក់ងារអភិវឌ្ឍន៍បច្ចេកវិទ្យាព័ត៌មានវិទ្យា និងអវកាសរបស់ថៃ ហៅកាត់ថា GISTDA។ លោកបន្តថា GISTDA ចង់សិក្សាអំពីរសជាតិ ក្លិន និងរូបរាងទុរេនថា វានឹងត្រូវរងផលប៉ះពាល់ដែរឬអត់ នៅពេលស្ថិតក្នុងអវកាសដែលគ្មានទំនាញផែនដី។
គ្រាប់រ៉ុកកែត New Shepard នឹងហោះនៅលើអវកាសរយៈពេលប្រមាណជា ១០នាទី រួចនឹងបញ្ជូនទុរេនត្រឡប់មកកាន់ផែនដីវិញ នៅអំឡុងខែសីហាខាងមុខ។
សូមរំលឹកថា កាលពីខែឧសភាកន្លងទៅ GISTDA បានបញ្ជាក់ថា ទុរេនដែលពួកគេគ្រោងបង្ហោះទៅអវកាសគឺជាប្រភេទម៉ាន់ថង ដែលមានរសជាតិឆ្ងាញ់ជាងគេបំផុតនៅក្នុងប្រទេសថៃ៕