គេហទំព័រសមាគមអាដហុក ត្រូវក្រុម Hacker លួចចូលរំខាន

2018-07-20 01:39:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គេហទំព័ររបស់សមាគមអាដហុក ត្រូវបានក្រុមអ្នកលួចចូល (Hacker) ដែលមានឈ្មោះ “TurkSiberKarargh” ធ្វើការរំខាន និងរាំងស្ទះដល់ដំណើរការផ្សព្វផ្សាយព័ត៌មាននៅលើគេហទំព័ររបស់សមាគម។ នេះបើតាមសេចក្តីប្រកាសព័ត៌មានដែលចេញផ្សាយតាមហ្វេសប៊ុកផេករបស់សមាគមអាដហុក កាលពីថ្ងៃទី១៩ ខែកក្កដា ២០១៨ ម្សិលមិញ។

ជាមួយគ្នានេះ សមាគមអាដហុកបានប្រកាសជាសាធារណៈថា សមាគមមិនទទួលខុសត្រូវលើអត្ថបទ ឬខ្លឹមសារទាំងឡាយណា ដែលមិនមែនឆ្លុះបញ្ជាំងពីទស្សនៈ និងបេសកកម្មរបស់សមាគម ចាប់ពីថ្ងៃប្រកាសព័ត៌មាននេះតទៅ ។ គេហទំព័ររបស់សមាគម បានកំពុងដំណើរការជួសជុលឡើងវិញ និងធ្វើការប្រកាសជាសាធារណៈ នៅពេលដែលគេហទំព័រសមាគមដំណើរការជាធម្មតាឡើងវិញ។

គេហទំព័ររបស់សមាគមអាដហុក www.adhoccambodia.org ត្រូវបានបង្កើតឡើងក្នុងគោលបំណង ដើម្បីធ្វើការអប់រំ ផ្សព្វផ្សាយ អំពីសកម្មភាព និងព័ត៌មាន ដែលពាក់ព័ន្ធនឹងវិស័យសិទិ្ធមនុស្ស ច្បាប់ និងលទ្ធិប្រជាធិបតេយ្យនៅកម្ពុជា ជាពិសេសដើម្បីបង្ហាញពីសកម្មភាពនានារបស់សមាគមអាដហុក ដែលបានអនុវត្តនាពេលកន្លងមក៕