ឥណ្ឌា ហៅប្រទេសអាស៊ានឲ្យវិនិយោគហេដ្ឋារចនាសម្ព័ន្ធនៅប្រទេសខ្លួន

2018-07-20 03:41:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសឥណ្ឌា បានអញ្ជើញប្រទេសជាសមាជិកនៃសមាគមប្រជាជាតិអាស៊ីអាគ្នេយ៍ ហៅកាត់ថា អាស៊ាន ឲ្យវិនិយោគក្នុងគម្រោងហេដ្ឋារចនាសម្ព័ន្ធរបស់ខ្លួន។ នេះបើតាមការឲ្យដឹងរបស់រដ្ឋមន្ត្រីការបរទេសឥណ្ឌា លោកស្រី Sushma Swaraj នៅក្នុងព្រឹត្តិការណ៍ប្រចាំឆ្នាំ «កិច្ចសន្ទនាដែលី» លើកទី១០ កាលពីថ្ងៃទី ១៩ កក្កដា ឆ្នាំ២០១៨ នៅទីក្រុង ញ៉ូវដែលី។

លោកស្រី Sushma បានបញ្ជាក់ថា កំណែទម្រង់ថ្មីរបស់ឥណ្ឌា បានផ្ដល់កាលានុវត្តនភាពដល់ការវិនិយោគ និងពាណិជ្ជកម្ម ឲ្យហូរចូលមកក្នុងប្រទេស។

បណ្តាប្រតិភូតំណាងប្រទេសនីមួយៗ ដែលបានចូលរួមក្នុងព្រឹតិ្តការណ៍ប្រចាំឆ្នាំនេះ។ រូបថត៖ IANS/MEA

លោកស្រី បន្តថា «ខ្ញុំអញ្ជើញក្រុមហ៊ុនមកពីបណ្ដាប្រទេសអាស៊ានឲ្យទទួលយកឱកាសនេះ សម្រាប់មកវិនិយោគក្នុងប្រទេសឥណ្ឌា ពោលគឺក្នុងវិស័យជាច្រើនដូចជា ទីក្រុងឆ្លាតវៃ ផ្លូវថ្នល់ ផ្លូវល្បឿនលឿន កំពង់ផែ ថាមពល និងហេដ្ឋារចនាសម្ព័ន្ធទីក្រុងជាដើម»។

គួរបញ្ជាក់ដែរថា កិច្ចសន្ទនាដេលី ដែលជាជំនួបថ្នាក់តំបន់ដែលពាក់កណ្តាលផ្លូវការ និងពាក់កណ្តាលស្រាវជ្រាវ (track 1.5) គឺផ្ដោតសំខាន់លើការផ្សារភ្ជាប់ផ្នែក សន្តិសុខ-នយោបាយ វប្បធម៌-សង្គម និងសេដ្ឋកិច្ច រវាងអាស៊ាន និងឥណ្ឌា។ ព្រឹត្តិការណ៍នេះ ត្រូវបានធ្វើឡើងជារៀងរាល់ឆ្នាំ ចាប់តាំងពី ឆ្នាំ២០០៩មក។ មូលបទឆ្នាំនេះ គឺ «ការពង្រឹងកិច្ចសហប្រតិបត្តិការផ្លូវសមុទ្ររវាងអាស៊ាននិងឥណ្ឌា»៕

ប្រភព៖ Xinhua ប្រែសម្រួល៖ អឹុម ម៉េងស៊ាង