Hacker ចូលលួចទិន្នន័យនាយករដ្ឋមន្រ្តីសិង្ហបុរី និងអ្នកជំងឺ ១,៥លាននាក់

2018-07-20 10:09:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុម Hacker បានចូលប្រព័ន្ធទិន្នន័យសុខាភិបាលសិង្ហបុរី និងលួចយកទិន្នន័យអ្នកជំងឺចំនួន ១,៥លាននាក់ រួមជាមួយទិន្នន័យសុខភាពរបស់លោក លី សៀនឡុង នាយករដ្ឋមន្រ្តីសិង្ហបុរីផងដែរ កាលពីខែមិថុនា ២០១៨ កន្លងទៅ។ នេះបើតាមការបញ្ជាក់របស់អាជ្ញាធរសិង្ហបុរី នៅថ្ងៃទី២០ ខែកក្កដា ២០១៨នេះ។

លោក លី សៀនឡុង នាយករដ្ឋមន្រ្តីសិង្ហបុរី (រូបភាព៖ ហ្វេសប៊ុកផេកលោក លី សៀនឡុង)

ក្រសួងសុខភិបាល និងក្រសួងទំនាក់ទំនង និងព័ត៌មានសិង្ហបុរីបានបញ្ជាក់ថា "Hacker បានដាក់គោលដៅលួចយកទិន្នន័យលើលោក លី សៀនឡុង ដោយចំ និងជាច្រើនដង រួមជាមួយព័ត៌មានស្ដីពីការសម្រាកព្យាបាលរបស់លោកផងដែរ"។

ទិន្នន័យអ្នកជំងឺចំនួន ១,៥លាននាក់ រួមជាមួយទិន្នន័យសុខភាពរបស់លោក លី សៀនឡុង ត្រូវក្រុម Hacker ចូលលួចចាប់ពីថ្ងៃទី២៧ មិថុនា ដល់ថ្ងៃទី៤ ខែកក្កដា ២០១៨។ ពេលនេះ ប៉ូលិសសិង្ហបុរីកំពុងដំណើរការស៊ើបអង្កេតលើករណីនេះ៕

ប្រភព៖ USAtoday ប្រែសម្រួល៖ វាសនា