ធនាគារជាតិ មិនលើកទឹកចិត្តឱ្យគ្រឹះស្ថានហិរញ្ញវត្ថុ ប្រើប្រាស់ភ្នាក់ងារសន្តិសុខប្រដាប់អាវុធនោះទេ

2018-07-20 13:58:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ធនាគារជាតិនៃកម្ពុជា មិនលើកទឹកចិត្តឱ្យគ្រឹះស្ថានធនាគារ និងហិរញ្ញវត្ថុ ប្រើប្រាស់ភ្នាក់ងារសន្តិសុខប្រដាប់អាវុធ នៅក្នុងឬក្បែរបរិវេណទីស្នាក់ការរបស់ខ្លួនឡើយ ក្នុងពេលដែលកម្ពុជា កំពុងមានសន្តិភាពពេញលេញ។ នេះបើយោងតាមលិខិតរបស់ធនាគារជាតិ ផ្ញើទៅកាន់ម្ចាស់គ្រឹះស្ថានធនាគារ និងហិរញ្ញវត្ថុទាំងអស់ នៅថ្ងៃទី២០កក្កដានេះ។

ធនាគារជាតិបញ្ជាក់ថា ក្នុងករណីចាំបាច់ គ្រឹះស្ថានធនាគារ និងហិរញ្ញវត្ថុ ត្រូវស្នើសុំកិច្ចសហការ និងការអនុញ្ញាតពីអាជ្ញាធរមានសមត្ថកិច្ចពាក់ព័ន្ធ ក្នុងការប្រើប្រាស់ភ្នាក់ងារសន្តិសុខប្រដាប់អាវុធ ផ្អែកតាមច្បាប់ និងបទប្បញ្ញត្តិជាធរមាន។

បើតាមលិខិតដដែលនេះ កន្លងមក ធនាគារជាតិ បានពិនិត្យឃើញថា គ្រឹះស្ថានមួយចំនួន កំពុងប្រើប្រាស់ភ្នាក់ងារសន្តិសុខប្រដាប់អាវុធការពារនៅក្នុង ឬក្បែរបរិវេណទីស្នាក់ការរបស់ខ្លួន ដែលអាចបង្កហានិភ័យជាយថាហេតុដល់អាយុជីវិតប្រជាជន និងសណ្តាប់ធ្នាប់សាធារណៈ។ ជាមួយគ្នានេះ ធនាគារជាតិ បានតម្រូវឱ្យគ្រឹះស្ថានទាំងនោះ សុំការអនុញ្ញាតពីអាជ្ញាធរពាក់ព័ន្ធជាបន្ទាន់ ព្រមទាំងរាយការណ៍ទៅអគ្គនាយកដ្ឋានត្រួតពិនិត្យនៃធនាគារជាតិ ឱ្យបានមុនថ្ងៃទី២៤ ខែកក្កដា ឆ្នាំ២០១៨ អំពីបញ្ជីឈ្មោះភ្នាក់ងារសន្តិសុខ និងចំនួនអាវុធ៕

ខាងក្រោមនេះ គឺជាលិខិតដែលធនាគារជាតិនៃកម្ពុជា ផ្ញើទៅកាន់ម្ចាស់គ្រឹះស្ថានធនាគារ និងហិរញ្ញវត្ថុទាំងអស់