លោក ស៊ុន ចាន់ថុល លើកឡើងពីការជួសជុលផ្លូវជាតិលេខ៣

2018-07-21 01:53:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឲ្យដឹងកាលពីថ្ងៃទី២០កក្កដាថា ផ្លូវជាតិលេខ៣ ដែលរងការខូចខាតដោយជំនន់ទឹកភ្លៀង នឹងត្រូវជួសជុលឲ្យហើយជាបណ្តោះអាសន្នក្នុង ១សប្តាហ៍។ ការលើកឡើងនេះ ត្រូវបានធ្វើឡើងក្នុងការចុះពិនិត្យមើលស្ថានភាពផ្លូវជាតិលេខ៣ និងផ្លូវជាតិលេខ៣៣ ដែលរងការខូចខាតដោយសារជំនន់ទឹកភ្លៀង។

លោក ស៊ុន ចាន់ថុល ដឹកនាំមន្ត្រីចុះត្រួតពិនិត្យផ្លូវជាតិលេខ៣

លោកទេសរដ្ឋមន្ត្រី បានបន្តថា ផ្លូវដែលរងការខូចខាតដោយសារជំនន់ទឹកភ្លៀងប្រវែងសរុប ១៥គីឡូម៉ែត្រ នឹងត្រូវជួសជុលឡើងវិញឲ្យរួចរាល់ក្នុងរយៈពេល ១សប្តាហ៍ ដោយក្រុមហ៊ុន CRBC ដែលចាប់ផ្តើមពីថ្ងៃអាទិត្យ ទី២២ ខែកក្កដា ឆ្នាំ២០១៨ នេះ។

ជាមួយគ្នានេះ លោក ស៊ុន ចាន់ថុល បានអំពាវនាវទៅដល់ក្រុមហ៊ុនដឹកទំនិញទាំងអស់ កុំដឹកទំនិញលើសទម្ងន់កំណត់ ព្រោះវានាំឲ្យខូចខាតផ្លូវ ខូចខាតហេដ្ឋារចនាសម្ព័ន្ធផ្សេងៗ ដែលនាំខាតបង់ថវិកាជាតិ ប៉ះពាល់សេដ្ឋកិច្ចជាតិផងដែរ៕