សេដ្ឋីអាហ្វ្រិកម្នាក់ ស្រោចស្រង់ក្លឹបជើងឯកអឺរ៉ុបឆ្នាំ១៩៨២ ពីភាពក្ស័យធន

2018-07-21 06:54:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន NNS group របស់លោក Nassef Sawiris បានចុះកុងត្រាភ្លាមៗជាមួយក្លឹបបាល់ទាត់ Aston Villa ដើម្បីធ្វើការចាក់បញ្ចូលទឹកប្រាក់ទៅក្នុងហិរញ្ញវត្ថុសម្រាប់ទ្រទ្រង់ជីវិតរបស់ក្លឹប ឲ្យបន្តដំណើរការទៅមុខទៀត។

ទង់របស់ក្លឹប Aston Villa (រូបថត៖ PA)

ក្រុមហ៊ុនអេហ្ស៊ីបខាងលើ ត្រូវគេរំពឹងថា នឹងគ្រប់គ្រង Aston Villa ទាំងមូល នៅថ្ងៃអនាគត ខណៈបច្ចុប្បន្នលោក Nassef Sawiris គឺជាសហប្រធានជាមួយលោក Tony Xia ដែលកំពុងគ្រប់គ្រងនៅពេលបច្ចុប្បន្ន។

នេះគឺជាដំណឹងដ៏ល្អមួយសម្រាប់អ្នកគាំទ្រ Aston Villa ដែលមានមូលដ្ឋាននៅប្រទេសអង់គ្លេស។ ក្លឹបបានព្រួយបារម្ភចំពោះការអស់ទុនដែលត្រូវចំណាយទៅលើកីឡាករ។ ក្រុមហ៊ុន NNS group ត្រូវបានសារព័ត៌មាន Forbes រាយការណ៍ថា មានទឹកប្រាក់ជាង ៥,២ពាន់លានផោន។

សូមជម្រាបថា បច្ចុប្បន្ន Aston Villa កំពុងប្រជែងនៅក្នុងលីគលំដាប់ទី២អង់គ្លេស ដើម្បីដណ្ដើមកៅអីឡើងមកកាន់លីគកំពូល EPL ។ ក្លឹបនេះ ត្រូវបានបង្កើតតាំងពីឆ្នាំ១៨៧៤មកម្ល៉េះ និងមានកីឡដ្ឋានឈ្មោះថា Villa Park ។ កាលពីរដូវកាល១៩៨១-៨២ Aston Villa ជាជើងឯក European Cup ដែលបច្ចុប្បន្នត្រូវប្ដូរឈ្មោះជា UEFA Champions League ៕

ប្រភព៖ The Sun ប្រែសម្រួល៖ លាភ.