លោក ស៊ី ជិនពីង នឹងធ្វើដំណើរទៅអាហ្វ្រិក ដើម្បីក្ដាប់យកទ្វីប១នេះ

2018-07-21 08:33:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីចិន លោក ស៊ី ជិនពីង នឹងធ្វើដំណើរទៅកាន់ទ្វីបអាហ្រ្វិកនៅប៉ុន្មានថ្ងៃខាងមុខនេះ ខណៈទីក្រុងប៉េកាំង កំពុងប្រែក្លាយខ្លួនជាសម្ព័ន្ធមិត្តដ៏ជិតស្និតខាងវិស័យសេដ្ឋកិច្ច និងការទូតរបស់ទ្វីបមួយនេះ។

លោក ស៊ី ជិនពីង និងមេដឹកនាំរបស់កុងហ្គោ លោក Denis Sassou Nguesso កាត់ខ្សែបូ កាលពីថ្ងៃទី៣០ ខែមីនា ឆ្នាំ២០១៣ ក្នុងដំណើរទស្សនកិច្ចទៅកាន់អាហ្វ្រិក

បន្ទាប់ពីឆៀងចូលទៅកាន់ឈូងសមុទ្រពែក្ស នៅថ្ងៃព្រហស្បតិ៍សប្ដាហ៍ក្រោយ លោកស៊ី នឹងបន្តដំណើរទៅកាន់ប្រទេស សេណេហ្គាល់ រ្វ៉ាន់ដា អាហ្វ្រិកខាងត្បូង និង ម៉ូរីស ដែលស្ថិតនៅជុំវិញអនុតំបន់សាហារ៉ា នៃទ្វីបអាហ្វ្រិក ដែលជាតំបន់ទទួលឥទ្ធិពលសេដ្ឋកិច្ចពីចិន ពីមួយឆ្នាំទៅមួយឆ្នាំ។

យោងតាមស្ថិតិផ្លូវការ បានបង្ហាញថា ចិនជាដៃគូពាណិជ្ជកម្មធំបំផុតរបស់អាហ្វ្រិក បន្ទាប់ពីដណ្ដើមបានសហរដ្ឋអាមេរិក កាលពីជិត ១ទសវត្សរ៍មុន។ ពាណិជ្ជកម្មទ្វេភាគី របស់ចិន-អាហ្វ្រិក បានកើនដល់ ២២០ពាន់លានដុល្លារ គិតត្រឹមឆ្នាំ២០១៤។

មេដឹកនាំចិននានា តែងតែធ្វើដំណើរទៅកាន់អាហ្វ្រិក ក្នុងអាណត្តិរបស់ខ្លួន។ កាលពីឆ្នាំ២០១៣ លោក ស៊ី ក៏ធ្លាប់បានជ្រើសរើសទ្វីបអាហ្វ្រិកជាគោលដៅធ្វើដំណើរទស្សនកិច្ចផងដែរ ហើយលោកបានទៅទីនោះ ២ដងបន្ថែមទៀត ក្នុងអាណត្តិទីមួយរបស់លោក។

ពាណិជ្ជកម្ម មិនមែនជាចំណាប់អារម្មណ៍របស់ចិនតែមួយមុខនោះទេ ព្រោះអាហ្វ្រិក សម្បូរដោយវត្ថុធាតុដើម ដែលចិនមិនទាន់អាចយកបាននៅឡើយ។

លោក Ian Taylor អ្នកជំនាញទ្វីបអាហ្វ្រិក នៅសាកលវិទ្យាល័យ St. Andrews បាននិយាយថា អាមេរិកបានបាត់បង់ឥទ្ធិពលរបស់ខ្លួននៅទ្វីបនេះ ព្រោះអាមេរិកមិនសូវខ្វល់ខ្វាយពីអាហ្វ្រិក។ លោកបន្តថា អាមេរិក មើលឃើញអាហ្វ្រិកតែបញ្ហាសុវត្ថិភាព ខុសពីចិន ដែលមើលឃើញពីសេដ្ឋកិច្ចរបស់អាហ្វ្រិក៕

ប្រភព៖ CNN ប្រែសម្រួល៖ លាភ.