ចំនួនធនាគារ គ្រឹះស្ថានមីក្រូហិរញ្ញវត្ថុ និងគ្រឹះស្ថានឥណទានជនបទ នៅកម្ពុជា

2018-07-22 01:55:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មកដល់ពាក់កណ្តាលឆ្នាំ២០១៨នេះ គ្រឹះស្ថានធនាគារ និងហិរញ្ញវត្ថុ នៅកម្ពុជា រួមមាន៖ ធនាគារពាណិជ្ជចំនួន ៣៩ ( សាខាធនាគារបរទេស១២ ធនាគារក្នុងស្រុក១២ និងបុត្រសម្ព័ន្ធធនាគារ ១៥ ) ធនាគារឯកទេសចំនួន ១៥ ( ធនាគាររដ្ឋ១) គ្រឹះស្ថានមីក្រូហិរញ្ញវត្ថុទទួលប្រាក់បញ្ញើពីសាធារណជនចំនួន ៧ គ្រឹះស្ថានមីក្រូហិរញ្ញវត្ថុចំនួន ៧០ និងគ្រឹះស្ថានឥណទានជនបទចំនួន ៣០២។ នេះបើតាមរបាយការណ៍ប្រចាំឆមាសទី១ ឆ្នាំ២០១៨ របស់ធនាគារជាតិនៃកម្ពុជា។

អគារធនាគារជាតិនៃកម្ពុជា ដែលស្ថិតនៅតាមបណ្តោយមហាវិថីព្រះនរោត្តម

ធនាគារជាតិ បានលើកឡើងថា ការរីកចម្រើននៃបច្ចេកវិទ្យាហិរញ្ញវត្ថុ និងការកើនឡើងនៃតម្រូវការរបស់អតិថិជន បានជំរុញឲ្យគ្រឹះស្ថានធនាគារ បាននឹងកំពុងអភិវឌ្ឍ និងពង្រីកបណ្តាញសាខា ធ្វើពិពិធកម្មផលិតផល និងសេវាលើកកម្ពស់ប្រសិទ្ធភាព និងគុណភាពនៃប្រតិបត្តិការ ពង្រឹងភាពរឹងមាំនៃដើមទុន និងសន្ទនីយភាព ពង្រឹងអភិបាលកិច្ច ធ្វើបច្ចុប្បន្នកម្មប្រព័ន្ធព័ត៌មានវិទ្យា និងបណ្តុះបណ្តាលសមត្ថភាពធនធានមនុស្សជាដើម។

បច្ចុប្បន្ន គ្រឹះស្ថានធនាគារ និងហិរញ្ញវត្ថុ មានសាខា ចំនួន ២២៦២ កន្លែង ព្រមទាំងមានម៉ាស៊ីនដក និងដាក់ប្រាក់ស្វ័យប្រវត្តិ ATM ចំនួន ១៩១០ ម៉ាស៊ីនផងដែរ៕

អត្ថបទ៖ លីហៀង