ក្រសួងបញ្ជាក់ពីស្ថានភាពទឹកជំនន់ ដែលហូរចូលរាជធានីភ្នំពេញ ព្រឹកនេះ
- 2018-07-22 03:48:20
- ចំនួនមតិ 0 | ចំនួនចែករំលែក 0
ក្រសួងបញ្ជាក់ពីស្ថានភាពទឹកជំនន់ ដែលហូរចូលរាជធានីភ្នំពេញ ព្រឹកនេះ
ចន្លោះមិនឃើញ
ក្រសួងធនធានទឹក និងឧតុនិយម បានបញ្ជាក់ថា គិតមកដល់ព្រឹកថ្ងៃទី២២កក្កដានេះ ស្ថានភាពទឹកទំនន់ក្នុងរាជធានីភ្នំពេញ មានលក្ខណៈកាន់តែប្រសើរហើយ ដោយទឹកបានហូរចូលកាន់តែតិច។
នាព្រឹកនេះ លោក លឹម គានហោ រដ្ឋមន្រ្តីក្រសួងធនធានទឹក និងឧតុនិយម បានបន្តដឹកនាំក្រុមការងារ ទប់ទល់នឹងការហូរច្រោះទំនប់សណ្តរស្ទឹងព្រែកត្នោត ស្ថិតក្នុងភូមិសាស្ត្រខណ្ឌដង្កោ រាជធានីភ្នំពេញ។
គួររំលឹកថា កាលពីថ្ងៃទី២០កក្កដាកន្លងទៅនេះ ទឹកជំនន់ បានហូរធ្លាក់យ៉ាងគំហុកពីខេត្តកំពង់ស្ពឺ ទៅកាន់ផ្នែកខាងក្រោមតាមដងស្ទឹងព្រែកត្នោត បណ្តោលឱ្យខណ្ឌពោធិ៍សែនជ័យ និងដង្កោ ដែលស្ថិតនៅតាមបណ្តោយដងស្ទឹងនេះ រងការជន់លិច។ នៅថ្ងៃនោះ រដ្ឋមន្ត្រីក្រសួងធនធានទឹក បានដឹកនាំកម្លាំងចុះធ្វើអន្តរាគមន៍ ទប់ទល់ជាមួយនឹងទឹកជំនន់នៅតាមទំនប់សណ្តរស្ទឹងព្រែកត្នោត ដើម្បីការពារកុំឱ្យមានការហូរច្រោះលិចចូលតំបន់ទំនាបក្នុងភូមិសាស្រ្តរាជធានីភ្នំពេញ៕