គ.ជ.ប អនុញ្ញាតឱ្យភ្នាក់ងារគណបក្សជិត ៨ម៉ឺននាក់ ចូលរួមសង្កេតការណ៍បោះឆ្នោត

2018-07-23 03:52:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណៈកម្មាធិការជាតិរៀបចំការបោះឆ្នោត (គ.ជ.ប) បានអនុញ្ញាតឱ្យភ្នាក់ងារគណបក្សនយោបាយជាង ៧,៩៨ម៉ឺននាក់ ចូលរួមសង្កេតការណ៍បោះឆ្នោតជ្រើសតាំងតំណាងរាស្រ្តនីតិកាលទី៦ ដែលប្រព្រឹត្តធ្វើឡើងនៅថ្ងៃទី២៩កក្កដា ២០១៨ខាងមុខនេះ។ នេះបើតាមលទ្ធផលផ្លូវការនៃចំនួនភ្នាក់ងារគណបក្សនយោបាយរបស់ គ.ជ.ប ចុះហត្ថលេខាកាលពីថ្ងៃទី១៨ខែកក្កដា និងផ្សព្វផ្សាយជាសាធារណៈនៅថ្ងៃទី២៣កក្កដានេះ។

ប្រជាពលរដ្ឋចូលរួមបោះឆ្នោតឃុំសង្កាត់ឆ្នាំ២០១៧ នៅមណ្ឌល១កន្លែង ក្នុងរាជធានីភ្នំពេញ

ក្នុងចំណោមភ្នាក់ងារគណបក្សនោះ មានភ្នាក់ងារពេញសិទ្ធិចំនួនជាង ៥,១៥ម៉ឺននាក់ និងបម្រុង ២,៨២ម៉ឺននាក់ មកពីគណបក្សចំនួន១៤។ ភ្នាក់ងារគណបក្សប្រជាជនកម្ពុជា មានចំនួនច្រើនជាងគេ ជិត ៤,៦ម៉ឺននាក់ បន្ទាប់មកគឺគណបក្សហ៊្វុនស៊ិនប៉ិច ចំនួនជាង ១,៦៧ម៉ឺននាក់ និងគណបក្សសម្ព័ន្ធដើម្បីប្រជាធិបតេយ្យចំនួនជាង ១,១៦ម៉ឺននាក់។

គណបក្សចំនួន ៦ ដែលមិនមានភ្នាក់ងារសង្កេតការណ៍បោះឆ្នោតរួមមាន៖ គណបក្សពន្លឺថ្មី គណបក្សខ្មែរក្រោក គណបក្សខ្មែរសាធារណរដ្ឋ គណបក្សខ្មែរឈប់ក្រ គណបក្សធម្មាធិបតេយ្យ គណបក្សឆន្ទៈខ្មែរ៕

អត្ថបទ៖ សំភី