ក្រសួងសាធារណការ បញ្ចេញវីដេអូ បង្អួតសម្រស់ផ្លូវជាតិលេខ៥៥
- 2018-07-23 07:08:09
- ចំនួនមតិ 0 | ចំនួនចែករំលែក 0
ក្រសួងសាធារណការ បញ្ចេញវីដេអូ បង្អួតសម្រស់ផ្លូវជាតិលេខ៥៥
ចន្លោះមិនឃើញ
ក្រសួងសាធារណការ និងដឹកជញ្ជូន កាលពីចុងសប្តាហ៍កន្លងទៅ បានបង្ហោះវីដេអូ១នៅលើទំព័រហ្វេសប៊ុក ស្តីអំពីសម្រស់ផ្លូវជាតិលេខ៥៥ ដែលលាតសន្ធឹងចាប់ពីផ្លូវជាតិលេខ៥ ទីរួមខេត្តពោធិ៍សាត់-វាលវែង-ថ្មដា-ច្រក៥៦ (ព្រំដែនកម្ពុជា-ថៃ)។
បើតាមការរៀបរាប់របស់ក្រសួង ផ្លូវនេះជាផ្លូវកោងបត់បែន អមដោយធម្មជាតិបៃតង ព្រៃឈើ ជួរភ្នំ ទឹកជ្រោះ វាលស្រែ ដ៏ស្រស់ស្អាតគួរឱ្យគយគន់ មានអត្ថប្រយោជន៍ជាផ្លូវទេសចរណ៍ធម្មជាតិ សម្រួលដល់ការដឹកជញ្ជូនកសិផល និងផលិតផលពីក្នុងតំបន់ទៅកាន់ទីផ្សារក្នុង និងក្រៅប្រទេស។
សូមបញ្ជាក់ថា ផ្លូវជាតិដែលមានតម្លៃជិត ១០០លានដុល្លារនេះ មានប្រវែង ជាង១៨០គីឡូម៉ែត្រ ទទឹងផ្លូវ ៩ម៉ែត្រ ដោយបែងចែកជា ២គន្លងផ្លូវ។ ផ្លូវនេះ មានកន្លែងខ្លះ មិនទាន់បានដាក់ផ្លាកសញ្ញា លាបគំនូសផ្លូវ និងដាក់បង្គោលសុវត្ថិភាពចប់សព្វគ្រប់នៅឡើយទេ ដែលក្រសួងបានអំពាវនាវ ឱ្យមានការប្រុងប្រយ័ត្ន ក្នុងពេលបើកបរ៕
សូមអញ្ជើញទស្សនាវីដេអូខាងក្រោមនេះ៖