ការនាំចេញផលិតផលកសិកម្មវៀតណាម អាចកើនឡើងជាង ៣០% ក្នុងឆ្នាំនេះ
- 2018-07-23 07:55:45
- ចំនួនមតិ 0 | ចំនួនចែករំលែក 0
ការនាំចេញផលិតផលកសិកម្មវៀតណាម អាចកើនឡើងជាង ៣០% ក្នុងឆ្នាំនេះ
ចន្លោះមិនឃើញ
វៀតណាម អាចរកចំណូលបានជាង ៤,៧ ពាន់លានដុល្លារ ពីការនាំចេញផលិតផលកសិកម្មបន្លែ និងផ្លែឈើ ក្នុងឆ្នាំ ២០១៨ នេះ ដែលកើនពី ៣,៥ ពាន់លាន កាលពីឆ្នាំមុន។ នេះបើតាមការបញ្ជាក់របស់ក្រសួងកសិកម្ម និងអភិវឌ្ឍន៍ជនបទវៀតណាម នៅថ្ងៃទី ២៣ កក្កដា ឆ្នាំ២០១៨។
នាពេលបច្ចុប្បន្ននេះ កសិករវៀតណាម ត្រូវបានលើកទឹកចិត្តឲ្យដាំដុះ ដំណាំឈើហូបផ្លែ បន្លែ និងផ្កាជាដើម ដោយប្រើប្រាស់នូវបច្ចេកទេសកសិកម្មទំនើបជាងមុន ស្របពេលដែលក្រុមហ៊ុនក្នុងស្រុក និងបរទេសផ្ដល់ឲ្យពួកគេនូវគ្រាប់ពូជល្អៗបន្ថែមទៀត។
គិតត្រឹមកន្លះឆ្នាំ ២០១៨ នេះ វៀតណាម បាននាំចេញផលិតផលកសិកម្មបន្លែ និងផ្លែឈើ ប្រមាណជាង ២ ពាន់លានដុល្លារ គឺកើនឡើង ២០% បើធៀបនឹងឆ្នាំមុន។
គួរបញ្ជាក់ដែរថា ប្រទេសចិន គឺជាទីផ្សារនាំចេញផលិតផលកសិកម្មបន្លែ និងផ្លែឈើធំបំផុតរបស់វៀតណាម ដែលគិតជាទឹកប្រាក់ប្រមាណជាង ១,២ ពាន់លានដុល្លារ និងតាមពីក្រោយដោយសហរដ្ឋអាមេរិក និងជប៉ុន៕