អង់គ្លេស ផ្ដល់ដំណោះស្រាយចំពោះទម្លាប់អាក្រក់របស់គ្រូបង្វឹក Chelsea

2018-07-23 10:13:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Maurizio Sarri អ្នកចាត់ការថ្មីក្លឹបតោខៀវ Chelsea ត្រូវបានគេស្គាល់ថា ជាអ្នកញៀននឹងបារី ដោយលោកតែងតែជក់បារី អំឡុងការប្រកួតនានាកាលពីដឹកនាំក្លឹបអ៊ីតាលី Napoli ។ ក៏ប៉ុន្តែទម្លាប់នេះ គឺជាអំពើខុសច្បាប់នៅអង់គ្លេស ដូច្នេះក្លឹប Chelsea ត្រូវបានតម្រូវឲ្យធ្វើទីតាំង១សម្រាប់លោក Sarri ជក់បារី ក្នុងកីឡដ្ឋាន Stanford Bridge ។ នេះជាការចុះផ្សាយរបស់សារព័ត៌មាន Mirror ។

ប្រភពដដែលបន្តថា បុរសជនជាតិអ៊ីតាលីខាងលើ ជក់បារី ៨០ដើមក្នុង១ថ្ងៃ ឬ ៤ ទៅ ៥ ដើមក្នុងមួយម៉ោង។

លោក Sarri ជក់បារី អំឡុងការប្រកួត១ កាលពីនៅដឹកនាំ Napoli (រូបថត៖ Twitter/Ben McKenna)

យោងតាមសារព័ត៌មាន [The Sun](https://www.thesun.co.uk/sport/football/6842236/chelsea-maurizio-sarri-smoking-stamford-bridge/) កាលពីរដូវកាលមុន ក្លឹបម្ចាស់ផ្ទះ RB Leipzig បានធ្វើបន្ទប់សម្រាប់ជក់បារីមួយឲ្យគ្រូបង្វឹក Napoli ដែលមានវ័យ៥៩ឆ្នាំនេះ នៅក្នុងបរិវេណបន្ទប់ផ្លាស់សម្លៀកបំពាក់ ក្នុងការប្រកួតពានរង្វាន់ Europa Leauge ។ ដូច្នេះ Chelsea អាចប្រើប្រាស់ដំណោះស្រាយដូចគ្នានេះ ចំពោះទម្លាប់របស់លោក Sarri ផងដែរ។

សូមបញ្ជាក់ថា ចក្រភពអង់គ្លេស បានចេញច្បាប់ហាមឃាត់ការជក់បារី នៅកន្លែងធ្វើការងារ និងទីសាធារណៈ រួមទាំងកីឡដ្ឋានបាល់ទាត់របស់ក្លឹបទាំងអស់ កាលពីឆ្នាំ២០០៦៕

អត្ថបទ៖ លាភ.