លោក អាសាដ ចង់ឃាត់យោធារុស្ស៊ីឲ្យនៅស៊ីរីក្នុងរយៈពេលយូរអង្វែង

2018-07-27 06:49:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក បាសាល អាល់អាសាដ ប្រធានាធិបតីស៊ីរី បានបង្ហាញពីបំណងរបស់លោក ដែលចង់ឲ្យយោធារុស្ស៊ីបន្តវត្តមានរយៈពេលវែងនៅលើទឹកដីរបស់ខ្លួន ក្នុងការប្រឆាំងនឹងគូប្រជែងនានានៅក្នុងតំបន់។

លោក អាសាដ បានប្រាប់ទៅសារព័ត៌មានកាលពីថ្ងៃទី២៦ ខែកក្កដា ឆ្នាំ២០១៨ ថា ការចុះអន្តរាគមន៍របស់រដ្ឋាភិបាលក្រុងមូស្គូ នៅឆ្នាំ២០១៥ ក្នុងប្រទេសស៊ីរី បានជួយឲ្យយោធារបស់លោក និងសម្ព័ន្ធមិត្តលុបបំបាត់ការគំរាមកំហែងពីសំណាក់ក្រុមបះបោរ និងក្រុមឧទ្ទាមជីហាដ លេចឡើងក្រោយការបះបោរឆ្នាំ២០១១។ បើទោះជារដ្ឋាភិបាលស៊ីរីអាចដណ្ដើមយកទឹកដីវិញពីក្រុមបះបោរយ៉ាងឆាប់រហ័ស លោក អាសាដ នៅតែបញ្ជាក់ដដែលថា ស៊ីរីនៅតែត្រូវការជំនួយពីយោធារុស្ស៊ី ដើម្បីការពារកម្លាំងប្រឆាំងណាមួយ។

"កម្លាំងប្រដាប់អាវុធរុស្ស៊ី គឺសំខាន់សម្រាប់តុល្យភាពនៅក្នុងតំបន់របស់ពួកយើង (ស៊ីរី) និងយ៉ាងហោចណាស់នៅក្នុងតំបន់មជ្ឈិមបូព៌ា រហូតទាល់តែស្ថិរភាពនយោបាយពិភពលោកមានការប្រែប្រួល" នេះជាការលើកឡើងរបស់លោក អាសាដ។ លោកប្រធានាធិបតីស៊ីរី បន្តថា រុស្ស៊ីគឺជាប្រទេសដ៏ធំមួយ ហើយមានអំណាច ដូច្នេះហើយរុស្ស៊ីត្រូវមានតួនាទីមើលការខុសត្រូវចំពោះពិភពលោកទាំងមូល៕

ប្រភព៖ Newsweek ប្រែសម្រួល៖ ឈាង.