ការិយាល័យបោះឆ្នោតចំនួន ៧ នៅស្រុកសៀមប៉ាង ត្រូវបានប្ដូរទីតាំង ដោយសារទឹកលិច

2018-07-28 08:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត បានឲ្យដឹងនៅថ្ងៃទី២៨ ខែកក្កដានេះថា ការិយាល័យបោះឆ្នោតចំនួន ៧ នៅក្នុងស្រុកសៀមប៉ាង ខេត្តស្ទឹងត្រែង ត្រូវបានផ្លាស់ប្ដូរទីតាំង ដោយសារបញ្ហាទឹកជំំនន់។ លោកបញ្ជាក់ថា ការិយាល័យថា មានទីតាំងនៅចម្ងាយប្រមាណ ៥០ម៉ែត្រ ពីទីតាំងការិយាល័យចាស់។

លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត

អ្នកនាំពាក្យដដែល បានបន្ថែមទៀតថា ក្នុងករណីពិសេស ពោលគឺប្រសិនបើទឹកលិចផ្លូវធ្វើដំណើរទៅកាន់ការិយាល័យបោះឆ្នោត នឹងមានការរៀបចំជូនប្រជាពលរដ្ឋទៅកាន់ការិយាល័យបោះឆ្នោតផងដែរ។

សូមបញ្ជាក់ថា ផ្នែកខ្លះនៃស្រុកសៀមប៉ាង ខេត្តស្ទឹងត្រែង កំពុងរងការជន់លិច ដោយសារទឹកទន្លេសេកុង បានកើនឡើងយ៉ាងខ្លាំង នៅពេលមានហេតុការណ៍បាក់ទំនប់វារីអគ្គិសនី នៅខេត្តអាតាពើ ប្រទេសឡាវ កាលពីដើមសប្ដាហ៍កន្លងទៅ។ ក្រសួងធនធានទឹក និងឧតុនិយម បានប្រកាសថា គិតត្រឹមម៉ោង ១១ព្រឹក ថ្ងៃទី២៨ កក្កដានេះ ទឹកទន្លេសេកុង បានស្រកចុះបន្តិច ហើយនឹងបន្តស្រកចុះជាបន្តបន្ទាប់ទៀត។

ការបោះឆ្នោតជ្រើសតាំងតំណាងរាស្រ្ដ នីតិកាលទី៦ ឆ្នាំ២០១៨ នឹងត្រូវឡើងនៅថ្ងៃទី២៩ ខែកក្កដា ឆ្នាំ២០១៨ ស្អែកនេះ៕

អត្ថបទ៖ សុខ សុវត្ថិ