កម្ពស់ទឹកនៅខេត្តចំនួន៣ នឹងបន្តកើនឡើងលើសកម្រិតឲ្យប្រុងប្រយ័ត្ន

2018-07-30 23:51:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមសេចក្ដីប្រកាសរបស់ក្រសួងធនធានទឹក និងឧតុនិយម ចុះថ្ងៃទី៣០ ខែកក្កដា ឆ្នាំ២០១៨ បានឲ្យដឹងថា ដោយសារមានភ្លៀងធ្លាក់ជាបន្តបន្ទាប់ពីមធ្យមទៅច្រើន នៅក្នុងតំបន់អាងទន្លេមេគង្គក្នុងប្រទេសថៃ និងឡាវ វាបានបង្កឲ្យទឹកទន្លេមេគង្គនៅកម្ពុជា បន្តកើនឡើង ២-៣ថ្ងៃបន្ថែមទៀត។

យោងតាមការព្យាកររបស់ក្រសួងធនធានទឹក កម្ពស់ទឹកទន្លេមេគង្គលើនៅកម្ពុជា អាចនឹងកើនឡើងដល់៖

នៅថ្ងៃទី៣ ខែសីហា ឆ្នាំ២០១៨ ទន្លេមេគង្គខេត្តស្ទឹងត្រែង ទឹកអាចនឹងកើនឡើងដល់កម្ពស់ ១១,៤០ម៉ែត្រ (កម្ពស់ប្រកាសឲ្យប្រុងប្រយ័ត្ន ១០,៧០ម៉ែត្រ)។
នៅថ្ងៃទី៤ ខែសីហា ឆ្នាំ២០១៨ ទន្លេមេគង្គខេត្តក្រចេះ ទឹកអាចនឹងកើនឡើងដល់កម្ពស់ ២២,១៥ម៉ែត្រ (កម្ពស់ប្រកាសឲ្យប្រុងប្រយ័ត្ន ២២ម៉ែត្រ)។
នៅថ្ងៃទី៥ ខែសីហា ឆ្នាំ២០១៨ ទន្លេមេគង្គខេត្តកំពង់ចាម ទឹកអាចនឹងកើនឡើងដល់កម្ពស់ ១៥,២៥ម៉ែត្រ (កម្ពស់ប្រកាសឲ្យប្រុងប្រយ័ត្ន ១៥,២០ម៉ែត្រ)។

បន្ថែមពីការព្យាករខាងលើ ក្រសួងធនធានទឹក ក៏បានស្នើឲ្យក្រសួង ស្ថាប័នពាក់ព័ន្ធ អាជ្ញាធរដែនដី និងសាធារណជន បង្កើនការប្រុងប្រយ័ត្នខ្ពស់ ដើម្បីជៀសវៀងនូវគ្រោះថ្នាក់ផ្សេងៗដែលអាចកើតមានឡើងជាយថាហេតុផងដែរ៕

អត្ថបទ៖ ឈាង.