"Miss Universe 2018" កំណត់យកប្រទេសដែលត្រូវរៀបចំកម្មវិធីបានហើយ!
- 2018-08-01 02:19:59
- ចំនួនមតិ 0 | ចំនួនចែករំលែក 0
"Miss Universe 2018" កំណត់យកប្រទេសដែលត្រូវរៀបចំកម្មវិធីបានហើយ!
ចន្លោះមិនឃើញ
កម្មវិធីប្រឡងបវរកញ្ញាសកល "Miss Universe 2018" នឹងត្រូវប្រព្រឹត្តឡើងនៅក្នុងប្រទេសថៃ ចាប់ពីថ្ងៃទី១៧ ខែធ្នូខាងមុខតទៅ។
បើតាមលោក Weerasak Kowsurat រដ្ឋមន្ត្រីទេសចរណ៍ និងកីឡា បានឲ្យដឹងកាលពីថ្ងៃទី៣១ ខែកក្កដា ឆ្នាំ២០១៨ ថា វាគឺជាលើកទី៣ហើយដែលថៃមានឱកាសរៀបចំកម្មវិធី "Miss Universe" នៅក្នុងខេត្ត Nonthaburi។
ពាក់ព័ន្ធនឹងកម្មវិធី "Miss Universe" លើកទី៦៧នេះដែរ លោក ប្រាយុទ្ធ ចាន់អូចា នាយករដ្ឋមន្ត្រីថៃ បានបង្ហាញសេចក្ដីស្វាគមន៍ ហើយនិយាយថា រដ្ឋាភិបាលលោកមានឆន្ទៈក្នុងការគាំទ្រឲ្យមានការរៀបចំកម្មវិធីនេះនៅលើទឹកដីប្រទេសថៃ។ លោក ប្រាយុទ្ធ បន្តថា តាមរយៈកម្មវិធី "Miss Universe" បណ្ដាប្រទេសដទៃនៅលើពិភពលោកនឹងស្គាល់ថៃកាន់តែច្បាស់បន្ថែមទៀត ស្របពេលបេក្ខនារីដែលប្រឡងនឹងត្រូវចូលរួមក្នុងកម្មវិធីនៅកន្លែងជាច្រើននៅក្នុងប្រទេសថៃ។
សូមបញ្ជាក់ថា ថៃធ្លាប់រៀបចំកម្មវិធី "Miss Universe" លើកទី៤១ នៅឆ្នាំ១៩៩២ និងលើកទី៥៤ នៅឆ្នាំ២០០៥។ បវរកញ្ញាថៃចំនួន២រូប ធ្លាប់គ្រងមកុដឯកជា "Miss Universe" គឺលោកស្រី Apasara Hongsakula នៅឆ្នាំ១៩៦៤ និងលោកស្រី Porntip Nakhirunkanok នៅឆ្នាំ១៩៨៨៕