កម្ពុជា គ្រោងបន្ថែមសេវាដឹកអ្នកដំណើរតាមផ្លូវទឹកមួយចំនួនទៀត

2018-08-01 02:58:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រាជរដ្ឋាភិបាលកម្ពុជា គ្រោងបន្ថែមសេវាដឹកជញ្ជូនអ្នកដំណើរតាមផ្លូវទឹកមួយចំនួនទៀតដូចជា គម្រោងទន្លេសាប (ព្រែកព្នៅ-ពញាឮ) ទន្លេបាសាក់ (ស្អាង) ទន្លេមេគង្គលើ (ស្ពានព្រែកតាមាក់) និងទន្លេមេគង្គក្រោម (ដីឥដ្ឋ) ជាដើម។ នេះបើតាមការថ្លែងរបស់លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក្នុងពិធីសម្ពោធដាក់ឱ្យប្រើប្រាស់ជាផ្លូវការកាណូតដឹកជញ្ជូនអ្នកដំណើរសាធារណៈ ពីព្រែកព្នៅ-ភ្នំពេញ-តាខ្មៅ នាព្រឹកថ្ងៃទី១សីហា ២០១៨ ក្រោមអធិបតីភាពសម្តេច ហ៊ុន សែន។

លោក ស៊ុន ចាន់ថុល ក្នុងពិធីសម្ពោធដាក់ឱ្យប្រើប្រាស់កាណូតដឹកអ្នកដំណើរ ពីព្រែកព្នៅ-ភ្នំពេញ-តាខ្មៅ នាព្រឹកថ្ងៃទី១ សីហា ២០១៨

ជាមួយគ្នានេះ លោកក៏បានឱ្យដឹងដែរថា ការសិក្សាផែនការមេដឹកជញ្ជូនអ្នកដំណើរតាមនាវាពីភ្នំពេញ ទៅខេត្តក្រចេះ ត្រូវបានបញ្ចប់ផងដែរ។ [ចុចអានបន្ថែម](http://kleykley.sabay.com.kh/article/1035404#utm_campaign=onpage)

លោករដ្ឋមន្រ្តី បានថ្លែងថា ការបង្កើតឱ្យមានសេវាដឹកជញ្ជូនតាមផ្លូវទឹកនេះ គឺក្នុងគោលបំណងដើម្បីពង្រីកវិស័យដឹកជញ្ជូនឱ្យមានច្រើនជម្រើស ពន្លឿនការដឹកជញ្ជូន កាត់បន្ថយការកកស្ទះចរាចរណ៍ កាត់បន្ថយគ្រោះថ្នាក់ចរាចរណ៍ អភិវឌ្ឍខឿនសេដ្ឋកិច្ចជាតិ និងប្រើឱ្យអស់លទ្ធភាព និងសក្ដានុពលនៃទន្លេនៅក្នុងប្រទេស៕