កត្តាសំខាន់ៗ ដែលគាំទ្រដល់ការរីកចម្រើនវិស័យអចលនទ្រព្យនៅកម្ពុជា

2018-08-01 06:01:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ច្រឹក សុខនីម អគ្គនាយកក្រុមហ៊ុន Century21 Mekong បានថ្លែងឲ្យដឹងកាលពីពេលថ្មីៗនេះថា ការរីកចម្រើនវិស័យអចលនទ្រព្យនៅកម្ពុជា ដោយសារកត្តាមួយចំនួនដូចជា៖

ទី១. ប្រទេសកម្ពុជាកំពុងអភិវឌ្ឍ ដែលអ្នកអភិវឌ្ឍអាចចាប់យកឱកាស និងអាចរកបានប្រាក់ចំណេញច្រើន

ទី២. ប្រទេសនេះមានប្រាក់ចំណេញខ្ពស់ ពីការវិនិយោគច្រើនជាងប្រទេសអភិវឌ្ឍន៍ហើយ

ទី៣. កំណើនសេដ្ឋកិច្ច និងការកើនឡើងប្រាក់ចំណូលរបស់ប្រជាពលរដ្ឋ ជាចលករជួយជំរុញវិស័យនេះកាន់តែមានភាពរឹងមាំ

ទី៤. ការគាំទ្រពីវិស័យមីក្រូហិរញ្ញវត្ថុ និងធនាគារ។

លោកបន្តថា “ការវិនិយោគបន្ថែមពីអ្នកវិនិយោគបរទេសលើគម្រោងនានា ដើម្បីពង្រីកមូលដ្ឋានអាជីវកម្មរបស់ពួកគេ (Investment Fund)”។

ផ្ទះល្វែងមួយកន្លែងក្នុងរាជធានីភ្នំពេញ

ចំណែកអ្នកជំនាញ១រូបទៀត គឺអ្នកនាង អាន សុធីតា នាយិកាប្រចាំប្រទេសនៃក្រុមហ៊ុនអចលនទ្រព្យលំដាប់ពិភពលោក CBRE Cambodia បានលើកឡើងថា កត្តាសន្តិភាព ស្ថិរភាពនយោបាយ និងកំណើនសេដ្ឋកិច្ចរឹងមាំ ជាមូលដ្ឋានដ៏សំខាន់ផងដែរ ក្នុងការទាក់ទាញការវិនិយោគពីបរទេស ដែលបានធ្វើឲ្យកម្ពុជាផ្លាស់ប្តូរមុខមាត់ថ្មីលើឆាកអន្តរជាតិ។ កម្ពុជាស្ថិតក្នុងក្រសែភ្នែកឬគោលដៅរបស់អ្នកវិនិយោគអន្តរជាតិ។

អ្នកនាងបន្តថា មូលដ្ឋានច្បាប់វិនិយោគដ៏ល្អ ដែលអនុញ្ញាតឲ្យជនបរទេសមានសិទ្ធិធ្វើម្ចាស់ក្រុមហ៊ុន ១០០ភាគរយនៅកម្ពុជា ការផ្ទេរសាច់ប្រាក់ចំណេញទៅបរទេសមិនមានការបង់ពន្ឋ ច្បាប់សហកម្មសិទ្ធិ ដែលអនុញ្ញាតឲ្យជនបរទេសមានសិទ្ធិទិញផ្ទះចាប់ពីជាន់ទី១ឡើងទៅជាដើម គឺសុទ្ធតែជាមូលដ្ឋានមិនអាចខ្វះបាន ក្នុងការគាំទ្រដល់ការរីកចម្រើននៃវិស័យនេះ៕

ចុចអាន៖

ប្រភព៖ រស្មីកម្ពុជា ប្រែសម្រួល៖ សំភី