ប្រទេសអាស៊ានចំនួន៨ នៅបន្ដអនុវត្តច្បាប់កាត់ទោសប្រហារជីវិត
- 2018-08-08 07:36:14
- ចំនួនមតិ 0 | ចំនួនចែករំលែក 0
ប្រទេសអាស៊ានចំនួន៨ នៅបន្ដអនុវត្តច្បាប់កាត់ទោសប្រហារជីវិត
ចន្លោះមិនឃើញ
ប្រទេសអាស៊ានភាគច្រើន មកដល់បច្ចុប្បន្ននេះ នៅតែបន្ដប្រើច្បាប់កាត់ទោសដោយការប្រហារជីវិត។ ការកាត់ទោសប្រហារជីវិត គឺក្រោមបទល្មើសដូចជា ការជួញដូរគ្រឿងញៀន ភេរវកម្ម ឃាតកម្ម ក្បត់ជាតិ ឧក្រិដ្ឋកម្មប្រឆាំងមនុស្សជាតិជាដើម។
១. ប្រទេសឥណ្ឌូណេស៊ី៖ កាត់ទោសប្រហារជីវិត លើបទល្មើសជួញដូរគ្រឿងញៀន និងភេរវកម្ម។
២. ប្រទេសម៉ាឡេស៊ី៖ កាត់ទោសប្រហារជីវិត លើជនល្មើសណាដែលហ៊ានតដៃ ឬបង្ករបួសស្នាមលើសមត្ថកិច្ច។
៣. ប្រទេសសិង្ហបុរី៖ ជនណាដែលរកឃើញថា ធ្វើការជួញដូរលើសពី ២០ក្រាម នឹងត្រូវកាត់ទោសប្រហារជីវិត។
៤. ប្រទេសថៃ៖ ច្បាប់កាត់ទោសប្រហារជីវិតរបស់ថៃ ត្រូវបានអនុម័តនៅឆ្នាំ១៩៣២។ ការកាត់ទោសប្រហារជីវិត នឹងធ្វើឡើងលើជនណា ដែលរកឃើញថា ក្បត់ជាតិ។
៥. ប្រទេសវៀតណាម៖ ក្រោយការធ្វើវិសោធនកម្មច្បាប់កាត់ទោសប្រហារជីវិតនៅឆ្នាំ២០០៩ វៀតណាមនៅមានបទល្មើសចំនួន ២២ករណីទៀត ដែលត្រូវប្រឈមនឹងការកាត់ទោសប្រហារជីវិត។
៦. ប្រទេសមីយ៉ាន់ម៉ា៖ ជនណាដែលរកឃើញថា ពាក់ព័ន្ធនឹងការជួញដូរមនុស្ស នឹងត្រូវប្រឈមកាត់ទោសប្រហារជីវិត។
៧. ប្រទេសឡាវ៖ ជនណាដែលត្រូវបានរកឃើញថា ធ្វើឲ្យបែកធ្លាយសម្ងាត់របស់រដ្ឋ និងក្បត់ជាតិ នឹងត្រូវកាត់ទោសប្រហារជីវិត។
៨. ប្រទេសព្រុយណេ៖ ជនណាដែលរកឃើញថា បានប្រព្រឹត្តបទល្មើសភេរវកម្ម ក្បត់ជាតិ និងការជួញដូរគ្រឿងញៀន នឹងត្រូវប្រឈមនឹងការកាត់ទោសប្រហារជីវិត។
ចំណែកប្រទេសកម្ពុជា និងប្រទេសហ្វីលីពីន បច្ចុប្បន្ននេះ ពុំមានច្បាប់កាត់ទោសប្រហារជីវិតនោះទេ។