សមត្ថកិច្ច កំពុងតែស្រាវជ្រាវរកជនដែល Hack ហ្វេសប៊ុកសម្តេច ហ៊ុន សែន ហើយ

2018-08-10 08:38:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកឧត្តមសេនីយ៍ឯក ជា ពៅ ប្រធាននាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការនគរបាលជាតិ បានថ្លែងឲ្យដឹងនៅរសៀលថ្ងៃទី១០ ខែសីហានេះថា ចំពោះករណី Hack គណនីហ្វេសប៊ុកសម្តេច ហ៊ុន សែន គឺសមត្ថកិច្ចជំនាញកំពុងតែស្រាវជ្រាវ និងចាត់ចែងការងារនេះហើយ។ ប៉ុន្តែចំពោះលទ្ធផលយ៉ាងណា លោកនៅមិនទាន់អាចបញ្ជាក់បានទេនាពេលនេះ។

សម្តេច ហ៊ុន សែន ក្នុងកម្មវិធីមួយនៅវិមានសន្តិភាព នាពេលកន្លងមក

សូមរំលឹកថា កាលពីព្រឹកមិញ ជនអនាមិកដែលបាន Hack គណនីហ្វេសប៊ុកសម្តេច ហ៊ុន សែន បានបង្ហោះអំពីការចែកអាសនៈរបស់គណបក្សប្រជាជនកម្ពុជា ឱ្យទៅគណបក្សហ៊្វុនស៊ិនប៉ិច និងគណបក្សសម្ព័ន្ធប្រជាធិបតេយ្យ។ បើតាមការសង្កេត អត្ថបទ រូបភាព និងវីដេអូ ដែលទំព័រហ្វេសប៊ុកនេះ បានបង្ហោះនាពេលកន្លងមកនោះ ត្រូវបានលុបចោលអស់យ៉ាងច្រើន៕

អត្ថបទ៖ សោភា