ថ្មីៗ​នេះ ស្រា​វិស្គី CHIVAS ដែល​មាន​ប្រភព​ដើម​ពី​ប្រទេស​ស្កុតឡែន បាន​ប្រកាស​សហការ​ជា​ដៃគូ​រយៈពេល ៣​ឆ្នាំ ជាមួយ Manchester United ដែល​ជា​ក្លឹប​បាល់​ទាត់​ល្បី​មួយ​ក្នុង​ពិភព​លោក។ ស្លាក​សញ្ញា Chivas នឹង​បង្ហាញ​លើ​ផ្ទាំង​ផ្សព្វផ្សាយ​ពាណិជ្ជកម្ម​ឌីជីថល​ជុំវិញ​ទីលាន​ប្រកួត Old Trafford ក៏​ដូចជា​នៅ​ទូទាំង​​កីឡដ្ឋាន​ក្នុង​ការ​ប្រកួត​លើក​ដំបូង។

លោក Jean-Christophe Coutures អគ្គនាយក និង​នាយក​ប្រតិបត្តិ Chivas Brothers បាន​និយាយ​ថា ការ​រួម​បញ្ចូល​គ្នា គឺ​មាន​នៅ​ក្នុង DNA របស់​ស្រា Chivas ​ដែល James និង John Chivas បាន​ចាប់​ផ្ដើម​​ផលិត​​តាំង​ពី​សតវត្សរ៍​ទី​១៩ មក​ម្ល៉េះ។ ដូច្នេះ ភាព​ជា​ដៃគូ​ជាមួយ Manchester United គឺ​ជា​រឿង​ដ៏​ស័ក្ដិសម​បំផុត។

ការ​រួម​សហការ​គ្នា​រវាង Chivas និង Manchester United នេះ ជា​ការ​អបអរ​ភាព​ជោគជ័យ​កើត​ឡើង​ពី​ការ​រួម​បញ្ចូល​គ្នា ឬ​ការ​សហការ​គ្នា ប្រៀប​ដូច​ការ​ផលិត​ស្រា​វិស្គី Chivas ត្រូវ​ប្រមូល​ប្រភេទ​ស្រូវ​សាលី​ល្អ​បំផុត ឯ​ក្រុម​បាល់ទាត់ Man Utd ក៏​បាន​ប្រមូល​ផ្ដុំ​កីឡាករ​បាល់​ទាត់​ល្បីៗ​ប្រចាំ​ពិភព​លោក​ផង​ដែរ។

លោក Richard Arnold នាយក​គ្រប់​គ្រង​ទូទៅ Manchester United បាន​លើក​ឡើង​ថា ប្រវត្តិ​របស់​ក្លឹប Man Utd បាន​បង្កើត​ឡើង​ដោយ​ការ​សហការ​គ្នា​ជា​ក្រុម ហើយ​លោក​ក៏​គាំទ្រ​ជំនឿ​របស់ Chivas ថា «ការ​រួម​បញ្ចូល​គ្នា​​នេះ នឹង​បង្កើត​ឲ្យ​មាន​នូវ​សមិទ្ធផល​ដ៏អស្ចារ្យ»។

សម្រាប់​ព័ត៌មាន​បន្ថែម សូម​ចូលទៅកាន់​​វិបសាយ Chivas.com៕