រោគសញ្ញាចំនួន ៥ នៃការពុលត្រីក្រពត

2018-08-13 08:52:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បើយោងតាមការចុះផ្សាយរបស់មន្ទីរពេទ្យកាល់ម៉ែត បានឲ្យដឹងថា រោគសញ្ញាសំខាន់ៗនៃការពុលត្រីក្រពត មានដូចខាងក្រោម៖

លើប្រព័ន្ធប្រសាទ៖ មានស្ពឹកមាត់ ស្ពឹកបបូរមាត់ ស្ពឹកអណ្ដាត ស្ពឹកចុងដៃចុងជើង ឈឺក្បាល បែកញើស ខ្សោយអវយវៈ និយាយខុស និយាយអត់លឺ សន្លឹមរហូតដល់សន្លប់ និងប្រស្រីភ្នែករីក។
លើប្រព័ន្ធរំលាយអាហារ៖ មានចង្អោរ ក្អួត រាគ និងឈឺពោះ ចេញទឹកមាត់ ហើយពិបាកលេប។
លើប្រព័ន្ធដកដង្ហើម៖ មានហត់ មានស្លេស្មច្រើន ពិបាកដកដង្ហើម ឬក៏ស្ទះដង្ហើម។
លើប្រព័ន្ធបេះដូង និងសរសៃឈាម៖ មានសម្ពាធឈាមចុះ មានសុក ចង្វាក់បេះដូងដើរញាប់ ដើរមិនស្មើរ។
មានស្វាយបបូរមាត់ ស្វាយចុងដៃចុងជើង។

រោគសញ្ញាចេញយ៉ាងឆាប់រហ័សក្នុងរយៈពេលពី ១០នាទី ទៅ ៤ម៉ោង ក្រោយពីការបរិភោគត្រីក្រពត។ ការស្លាប់អាចកើតឡើងក្នុងរយៈពេល ១៧នាទី បន្ទាប់ពីការបរិភោគ។

រូបភាព៖ មន្ទីរពេទ្យកាល់ម៉ែត

#### **ប្រភេទជាតិពុល៖**

ជាតិតេត្រូដូតុកស៊ីន( TTX) ដែលមានក្នុងត្រីក្រពត គឺជាតិពុលនៅប្រព័ន្ធប្រសាទ ដែលមានអនុភាពខ្លាំងក្លា។ ជាតិពុលនេះ អាចទៅបិទរន្ធសូដ្យូមរបស់ប្រព័ន្ធប្រសាទ។ ជាតិពុលតេត្រូដូតុកស៊ីន (TTX) បង្កើតឡើងដោយពួកបាក់តេរី ៤ប្រភេទផ្សេងគ្នា ដូចជា Aliivibrio fischeri, Pseudomonas sp, Vibrio altermonas និង Vibrio alginolyticus។

ជាតិពុលតេត្រូដូតុកស៊ីននេះ ធន់នឹងកម្ដៅផង និងភាពត្រជាក់ផង ទោះបីជាយើងចម្អិនដោយវិធីស្ងោរ អាំង ឬក្លាស់សេឲ្យកកក៏ដោយ ក៏មិនអាចបន្សាបជាតិពុលនេះបានដែរ។