សមត្ថកិច្ចបង្ក្រាប ទីតាំងម៉ាស្សាបង្កប់សេវាផ្លូវភេទ នៅខេត្តព្រះសីហនុ

2018-08-14 04:03:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកឧត្ដមសេនីយ៍ទោ ជួន ណារិន្ទ ស្នងការនគរបាល ខេត្តព្រះសីហនុ បានដឹកនាំកម្លាំងជំនាញពាក់ព័ន្ធ ចុះទៅដល់ទីតាំងហាងម៉ាស្សា យីហោ ប៉ាយជីងហាន់កុង ឃាត់ខ្លួនមនុស្ស ២៩នាក់ ក្នុងនោះនារី ចំនួនទាំង១៤នាក់។ ប្រតិបត្តិការនេះបានធ្វើឡើង កាលពីថ្ងៃទី១២ ខែសីហា ឆ្នាំ២០១៨ វេលាម៉ោង២២:៣០នាទី ស្ថិតនៅក្រុមទី៨ ភូមិ១ សង្កាត់៣ ខេត្តព្រះសីហនុ។

ស្លាកយីហោ ប៉ាយជីងហាន់កុង នៅទីតាំងហាងម៉ាស្សា ដែលស្ថិតនៅក្រុមទី៨ ភូមិ១ សង្កាត់៣ ខេត្តព្រះសីហនុ (រូបថត៖ ដើមអម្ពិល)

លោកស្នងការបន្តថា បន្ទាប់ពីស្រាវជ្រាវ ស៊ើបអង្កេត និងសួរបំភ្លឺឃើញថា នារីចំនួនទាំង ១៤នាក់ប្រកបមុខរបររកស៊ីផ្លូវភេទ។ ភ្ញៀវដែលមករកសេវាកម្ម សច្ចារកម្ម មានចំនួន ៨នាក់ ហើយអ្នកដែលពាក់ព័ន្ធ ប្រព្រឹត្តិសច្ចារកម្ម (ជួញដូរផ្លូវភេទខុសច្បាប់) មានចំនួន ៧នាក់ រួមមានឈ្មោះ CHEN ZHIMIN ភេទប្រុស អាយុ ៤១ឆ្នាំ ជនជាតិចិន លិខិតឆ្លងដែនលេខៈ ED៤៧៤៧៩៣១ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ (ថៅកែ)។

វត្ថុតាងចាប់បាន រួមមានស្រោមអនាម័យប្រើប្រាស់រួចចំនួន១, ស្រោមអនាម័យមិនទាន់ប្រើប្រាស់ មួយចំនួនធំ, នាមប័ណ្ណហាងម៉ាស្សា ១០ប្រអប់, វិក្កយបត្រមួយចំនួន, ឧបករណ៍ជំនួយក្នុងការរួមភេទ, ទូរសព្ទដៃ ១៣គ្រឿង, រួមទាំងវត្ថុមួយចំនួនទៀតដែលពាក់ព័ន្ធនឹងអាជីវកម្មផ្លូវភេទនេះ។ ចំពោះជនសង្ស័យទាំង ៧នាក់ ខាងលើនេះ ការិយាល័យនគរបាលព្រហ្មទណ្ឌកម្រិតស្រាល កំពុងកសាងសំណុំរឿង បញ្ជូនទៅសាលាដំបូងខេត្តព្រះសីហនុ៕